საქართველოს იუსტიციის მინისტრმა თეა წულუკიანმა საქართველოში ჩეხეთის რესპუბლიკის საგანგებო და სრულუფლებიან ელჩ პეტრ მიკიშკას უმასპინძლა. შეხვედრას ესწრებოდა იუსტიციის მინისტრის მოადგილე გოჩა ლორთქიფანიძე. გაცნობით შეხვედრაზე თეა წულუკიანმა ჩეხ დიპლომატს იუსტიციის სამინისტროს როლი, სტრუქტურა და უწყების მუშაობის სპეციფიკა გააცნო.

შეხვედრაზე მინისტრმა აღნიშნა, რომ ინსტიტუციური დემოკრატია, ადამიანის უფლებების დაცვა, კანონის უზენაესობა, გამჭვირვალე და ანგარიშვალდებული მმართველობა, სახელმწიფოს ეფექტური წარმომადგენლობა საერთაშორისო სასამართლოებში იუსტიციის სამინისტროს უმთავრესი პრიორიტეტებია.

მინისტრმა ჩეხეთის ელჩს ინფორმაცია ასევე მიაწოდა იმ ძირითადი პრიორიტეტების შესახებ, რომლებიც პენიტენციური და დანაშაულის პრევენციის სისტემების 2019-2020 წლების სტრატეგიისა და სამოქმედო გეგმის ფარგლებში მიმდინარეობს. მხარეებმა ისაუბრეს პატიმართა რესოციალიზაციისა და რეინტეგრაციის, დანაშაულის პრევენციისა და განმეორებითი დანაშაულის შემცირების საკითხებზე. თეა წულუკიანის თქმით, ქვეყანაში საზოგადოების უსაფრთხოებისა და კრიმინალის შემცირებისათვის ეს მიმართულებები უმნიშვნელოვანესია.

(NS)

ავტორი: ექსპრესნიუსი,

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს