ვარკეთილში ახალი სპორტული მოედნები ეწყობა

2019-07-19 13:04:09, 893 ნახვა

საზოგადოება

სამგორის რაიონის გამგეობა ვარკეთილში ახალი სპორტული მოედნების მოწყობა-რეაბილიტაციას ახორციელებს.

ვარკეთილი 3-ის პირველ მიკრორაიონში, N21ა კორპუსის მიმდებარედ 480 კვ.მ ფართობის ხელოვნურსაფარიანი მოედანი თანამედროვე სტანდარტების შესაბამისად მოეწყო და შშმ პირთათვის ადაპტირდა. სამუშაოების ფარგლებში, დამონტაჟდა კალათბურთის ფარები და მოეწყო გარე განათების სისტემა.

სპორტული მოედნის მშენებლობისთვის სამგორის რაიონის გამგეობის ბიუჯეტიდან 72 000 ლარი გამოიყო.

ახალი სპორტული მოედნის მოწყობა ასევე, მიმდინარეობს ვარკეთილის მე-4 მიკრორაიონის N406 კორპუსის მიმდებარედ. 540 კვ.მ ფართობის ფეხბურთისა და კალათბურთის კომბინირებული მოედანი ივლისის ბოლომდე გაიხსნება. პროექტის სახელშეკრულებო ღირებულება 93 500 ლარია.

მიმდინარე სამუშაოები სამგორის რაიონის გამგებლის მოვალეობის შემსრულებელმა სოსო ბურდულაძემ, საკრებულოს მაჟორიტარ დეპუტატ რევაზ სოხაძესთან ერთად დაათვალიერა.

სპორტული მოედნების მოწყობას სამგორის რაიონის გამგეობის დაკვეთით, კომპანია „დოკა სპორტი“ ახორციელებს.

სამგორის რაიონის გამგეობა სპორტისა და ჯანსაღი ცხოვრების წესის პოპულარიზაციის მიზნით, სპორტული ინფრასტრუქტურის მოწყობას სხვადასხვა მისამართზე ახორციელებს. მიმდინარე წელს უკვე 15 სპორტული მოედანი და 26 ფიტნეს ზონა მოეწყო.

(NS)

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,