„რუსთავი 2“-ის გენერალური დირექტორი ნიკა გვარამია აცხადებს, რომ ბიზნესმენ ქიბარ ხალვაშს მისი გათავისუფლება არ შეუძლია.

კერძოდ, გვარამიას განმარტებით, მას არხის მფლობელებთან დადებული აქვს კონტრაქტი, რომელიც შეიცავს „უმაღლეს გარანტიებს“ და რომლის გაუქმებაზე მსჯელობაც, მხოლოდ ლონდონის არბიტრაჟს შეუძლია.

როგორც მან აღნიშნა, ეს კონტრაქტი სწორედ იმიტომ დაიდო, რომ მისი კანონიერი გზით გათავისუფლების შესაძლებლობა არცერთ დამფუძნებელს არ ჰქონოდა.

 „ჩემთვის განსამზღვრელი მნიშვნელობა არა აქვს ვინ არის ამ მედიის მფლობელი აგიხსნით რატომ : - ეს არის ჩემი კონტრაქტი, რომელიც, ჩემივე მოთხოვნით შეიცავს უმაღლეს გარანტიებს ჩემი გათავისუფლების. ეს კონტრაქტი აქვს  საჯარო რეესტრსაც და ამ კონტრაქტში წერია,  რომ ჩემი გათავისუფლება შესაძლებელია მხოლოდ მას შემდეგ, რაც დარღვევისთვის განსაზღვრული ძალიან სერიოზული გარანტია იქნება გადახდილი.  რა დამოკიდებულება აქვს ქიბერ ხალვაშს ამ კონტრაქტთან,  ჩემთვის აბსოლუტურად მეორეხარისხოვანია.  ჩემი მუშაობის პერიოდში, ქიბარ ხალვაში არ იყო დამფუძნებელი. ვინც იყვნენ დამფუძნებლები,  მომცეს ეს გარანტია და ეს არის ლეგიტიმური კონტრაქტი. ამ კონტრაქტის ბათილობა მესაკუთრის შეცვლის გამო, ცხადია,  ვერ დადგება. პროკურატურაში ჩემი ტარება იმიტომ, რომ უფლებამოსილებებს გადავაჭარბე და ასე შემდეგ, მე ამას განვიხილავ პირდაპირ ჩარევად მედიის დამოუკიდებლობის საქმეში და პირდაპირ შეზღუდვად ჩემი ყველა გარანტიის, რომელიც მოცემული მაქვს საქართველოს სისხლის სამართლის კანონმდებლობით მათ შორის,  მხოლოდ იმის გამო, რომ გამოიყენონ ყველა ხერხი, რომ მე ამ გარანტიებზე უარი ვთქვა. ეს არის გამორიცხული. არანაირი მნიშვნელობა არ აქვს რას იზამს საქართველოს ხელისუფლება. ერთადერთი შემთხვევა, როცა მე უარს ვიტყვი კონტრაქტზე და წავალ ამ კომპანიიდან ჩემი ნებით და არა ქიბარ ხალვაშის მოთხოვნით და ხელისუფლების ზეწოლის გამო, ეს არის ჩემი ჟურნალისტების, ჩემი თანამშრომლების დამოკიდებულება ამგვარი, რომ ჯობია მე წავიდე. თუ მათ ეს დამოკიდებულება ექნებათ,  მე არ ვაპირებ ამ საკითხის განხილვას საერთოდ. სხვა შემთხვევაში, ნიკა გვარამიას აქედან ვერც ქიბარ ხალვაში და ვერც ვინმე სხვა კანონიერი გზებით ვერ გაუშვებს. ამ კონტრაქტზე დავა შეუძლებელია ქართულ სასამართლო სისტემაში, ცხადია,  ამ კონტრაქტში არის დათქმა ლონდონის არბიტრაჟზე. კი ბატონო, ვიდავოთ გაუქმებაზე, ნებისმიერ საკითხზე, მაგრამ ამ კონტრაქტის შესრულებამდე ჩემი გათავისუფლება შეუძლებელია. ეს კონტრაქტი დაიდო ზუსტად იმიტომ, რომ მე არ ვყოფილიყავი დამოკიდებული არანაირ დამფუძნებელზე საერთოდ, მათ შორის არც მოქმედზე და არც ახალზე. ეს არის ამ მედიის დამოუკიდებლობის მთავარი გარანტი. მე არ ვაპირებ ამის დათმობას,  ეს ჩემთვის სიკვდილ-სიცოცხლის საკითხია“, - განაცხადა ნიკა გვარამიამ.

ავტორი: ექსპრესნიუსი,

სოციალური ქსელები

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს

5 თვეში, ივანიშვილის რეჟიმმა საგზაო ჯარიმებით რეკორდული ₾130 მილიონი აკრიფა