ერნესტო ჩე-გევარა, ტორტები საჩხერეში, Граф Монте Кристо - გახარიას მხარდასაჭერად ვებგვერდი შეიქმნა

2019-07-11 18:50:28, 1790 ნახვა

საზოგადოება

შინაგან საქმეთა მინისტრის გიორგი გახარიას მხარდამჭერი საიტი შეიქმნა.

ვებგვერდის მისამართია - argadadge.ge. მისი სახელწოდებიდან გამომდინარე, ვხვდებით, რომ საიტის შემქმნელები ითხოვენ, რომ გიორგი გახარიამ თანამდებობა არ დატოვოს.

საიტის მთავარ გვერდზე, მომხმარებელს ასეთი ტექსტი ხვდება:

"მეგობრებო, მოქალაქეებს, რომლებსაც მიგვაჩნია რომ საქართველოს შინაგან საქმეთა მინისტრის გადადგომა მხოლოდ ზიანს მოუტანს ქვეყანას, გამოვხატოთ საკუთარი პოზიცია ხელმოწერით და ვანახოთ ჩვენი ხმა საზოგადოებას".

გარდა ამისა, არის შექმნილი პეტიცია. პეტიციაზე ხელის მოწერა შეგიძლიათ ფეისბუქის საშუალებით. აღსანიშნავია, რომ პეტიციას ამ დროისთვის 5978 მოქალაქე აწერს ხელს.

ვებგვერდზე მითითებულია ხელმომწერების სახელებიც, მათ შორის: უფაალო გაძლიერესაქართველო ამინ, შემოსავლიანი ინტერნეტ სერვისი, ნეტარ არიან გლახაკნი სულითა, ემ.ბი.ჯი ჯგუფი, ნამცხვრები ტორტები საჩხერეში, კოლხურ იბერიული ორდენი, ერნესტო ჩე-გევარა, Граф Монте Кристо, ყველაფერი საუკეთესო, კოლხი კაცი, იყიდება იყიდება, ქარ თველი, არმაზ ზევსის ძე გარდაბნელი და სხვა.