ჯგუფურ ძალადობაში მონაწილეობის ბრალდებით დაკავებულების აღკვეთის ღონისძიების სახით პატიმრობა შეუფარდეს.

მოსამართლის გადაწყვეტილებას დარბაზში ხმაური მოჰყვა.

ოთხივე ბრალდებულის ადვოკატი არასაპატიმრო აღკვეთის ღონისძიების შეფარდებას ითხოვს. მათ შორის, ზურაბ ბუდაღალაშვილისა და ბესიკ თამლიანის ადვოკატები გირაოსთან ერთად, ელექტრონული სამაჯურის გამოყენებით, ბრალდებულების კონტროლის შუამდგომლობას აყენებენ.

რაც შეეხება გირაოს თანხებს, ადვოკატებმა 3000-დან 5000-მდე ლარის გირაოს შეფარდების შუამდგომლობები დააყენეს.

ცოტნე სოსელიას, ბესიკ თამლიანს, კახაბერ კუპრეიშვილსა და ზურაბ ბუდაღაშვილს ბრალი ოფიციალურად გუშინ წაუყენეს.

მათ სისხლის სამართლის კოდექსის 225-ე მუხლით გათვალისწინებული დანაშაულის ჩადენა ედებათ ბრალად, რაც ჯგუფურ ძალადობაში მონაწილეობას გულისხმობს.

ბრალის დამტკიცების შემთხვევაში ოთხივეს ექვსიდან ცხრა წლამდე ვადით თავისუფლების აღკვეთა ემუქრება.

ავტორი: ექსპრესნიუსი,

სოციალური ქსელები

უკრაინამ ევროკავშირის €90-მილიარდიანი სასესხო პაკეტიდან პირველი €3.2 მილიარდი მიიღო

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება