„ის რაც ხდება, ნიშნავს, რომ ქვეყანაში ფაქტობრივად მყარდება პოლიტიკური დიქტატურა“, - ასე გამოუხმაურა ფრაქცია „ნაციონალური მოძრაობის“ თავმჯდომარე რომან გოცირიძე მისი თანაგუნდელის, ნიკა მელიას სისხლის სამართლის პასუხისგებაში მიცემას.

პარლამენტის ბიუროს სხდომაზე, სადაც პროკურატურის მიმართვის საფუძველზე, ნიკა მელიასთვის დეპუტატის მანდატის შეჩერებაზე მსჯელობენ, გოცირიძემ მმართველ გუნდს მიმართა და მოუწოდა, საკითხს მხარი არ დაუჭირონ.

„იწყება პოლიტიკური რეპრესიები ქვეყანაში. მე მოგიწოდებთ პარლამენტს, თითოეულ თქვენგანს, რომელმაც, ამ მომართვას უნდა უყაროს კენჭი, ნუ ჩაიდენთ დანაშაულს, ნუ შეუწყობთ ხელს ქვეყანაში მძიმე ვითარების შექმნას. ეს არის პირდაპირ პოლიტიკური დევნა. თითოეულ ადამიანს, ვინც ამ წინადადებას მისცემს ხმას, გაასამართლებს ისტორია, გაგასამართლებთ კანონი და გაგასამართლებენ საკუთარ ოჯახში. თქვენ ხართ უმძიმეს მდგომარეობაში, მხოლოდ და მხოლოდ ივანიშვილის სურვილის შემსრულებლები. რასაც ჩადიხართ, ეს არის წარმოუდგენელი უკანონობა ქართული სახელმწიფოსი და ქართული დემოკრატიის წინაშე. მოგიწოდებთ კიდევ ერთხელ, დღეს არ მისცეთ ამ წინადადებას ხმა. პარლამენტს მოვუწოდებ, გამოიჩინოს პოლიტიკური სიბრძნე და ამ რეპრესიულ გადაწყვეტილებას არ დაუჭიროთ მხარი“, -  განაცხადა რომან გოცირიძემ.

შეგახსენებთ, პროკურატურამ „ნაციონალური მოძრაობის“ ერთ-ერთი ლიდერი, ნიკა მელია სისხლის სამართლის პასუხისგებაში მისცა. უწყებამ პარლამენტს წინადადებით მიმართა, რომლითაც საკანონმდებლო ორგანოს მელიას დაკავების თაობაზე თანხმობას სთხოვს.

ავტორი: ექსპრესნიუსი,

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე