დავით გარეჯის საკითხი მძიმე საბჭოთა მემკვიდრეობაა, თუმცა ორივე მხარე თანახმაა, მოხდეს საკითხზე შეჯერება", - ამის შესახებ საგარეო საქმეთა მინისტრმა, დავით ზალკალიანმა ჟურნალისტებს განუცხადა.

მისი განმარტებით, ადგილზე, კომისიის ფარგლებში, ექსპერტები ჩავლენ და სიტუაციას გაეცნობიან.

"ჩვენთვის მნიშვნელოვანი არის რომ კომისიის მუშაობა განახლდა, მისი მუშაობა საკმაოდ დიდი ხნის განმავლობაში იყო შეჩერებული და მნიშვნელოვანია, რომ პირველი შეხვედრა შედგა, რომელსაც მოყვება ასევე შემდგომი შეხვედრა, რომელიც უკვე თბილისში გაიმართება. ამ შეხვედრას აქვს ის ფუნქცია და მნიშვნელობა, რომ მყისიერი რეაგირების საშუალება არის იქ მიმდინარე მოვლენებზე. კომისიის ფარგლებში იყო დაყენებული საკითხი, იქ მიმდინარე სამუშაოებთან დაკავშირებით. ჩვენ ძალიან მკაფიოდ დავაფიქსირეთ რომ აუცილებელია შეწყდეს პროცესები, რადგანაც სანამ საკომუნიკაციო კომისია მსჯელობს შიგნით მსჯელობს კონკრეტულ საკითხებზე, აუცილებელია, რომ არასწორი ინტერპრეტირება საშუალება არ მიეცეს არავის. იმის აღქმაც კი არ უნდა არსებობდეს, რომ რაღაც სტატუსი იცვლება. ველით რომ ექსპერტები ჩამოვიდნენ, ადგილზე ნახონ სიტუაცია. ეს ძალიან შრომატევადი საქმეა და რამდენიმე რაუნდით და შეხვედრით ვერ მოგვარდება. ეს ძალიან მძიმე, საბჭოთა მემკვიდრეობაა, მაგრამ მთავარია პროცესი დაიწყო და ნება არის ორივე მხრიდან, რომ მოხდეს საკითხების შეთანხმება", - აღნიშნა დავით ზალკალიანმა. 

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს