საქართველოს პარლამენტის დამოუკიდებელი დეპუტატის ეკა ბესელიას განცხადებით, პარლამენტმა  რეგლამენტი დაარღვია, როდესაც ის და ზვიად კვაჭანტირაძე ევროსაბჭოს ასამბლეის დელეგაციიდან მოხსნეს.

მისი თქმით, შეხვედრაში მონაწილეობა მათ მხოლოდ ევროსაბჭოს პრეზიდენტის ჩარევის შედეგად შეძლეს.

"ჩემი და ზვიად კვჭანტირაძის ამბავი უპრეცენდენტო სკანდალია, როდესაც ევროსაბჭოს საპარლამენტო ასამბლეის მოქმედი დეპუტატები ისე გამოიყვანა პარლამენტმა, პირდაპირ დაარღვია ევროსაბჭოს რეგლამენტი. ქალბატონი პრეზიდენტის წერილი მივიღე, რომელმაც განუმარტა საქართველოს ხელისუფლებას, რომ წესების პატივისცემა საჭიროა და ამ დელეგაციის შეცვლა იანვრამდე არ შეიძლება. ამის მიუხედავად, მაინც ხელი შეგვიშალეს და აღდგომის სესიაზე არ დაგვიშვეს. ქალბატონი პრეზიდენტის წერილი მივიღე 26 აპრილს და ამის შემდეგ გადაწყვიტეს საქართველოს დელეგაციის აპარატის მოწვევით ჩემი და ზვიადის მონაწილეობა იმ შეხვედრაზე. იქამდე უარყოფდა ჩვენი დელეგაცია, რომ არანაირ ფორმატში ჩვენ არ ვიყავით გათვალისწინებული და ამ წერილის და მოწვევის მიღების შემდეგ, 28-ში, კვირას დაგვიდასტურეს, რომ თურმე შეგვიძლია მისვლა და შეხვედრა. ეს არის ძალიან დიდი სირცხვილი. ასე დამცირება და ასე დაპატარავება საკუთარი ქვეყნის 20 წლის იუბილეზე, ასეთი ფაქტებით არის ძალიან დიდი უხერხულობა. ამიტომ, უნდა გააცნობიეროს პარლამენტის თავმჯდომარემ, ასევე დელეგაციის ხელმძღვანელმა თამარ ჩუგოშვილმა, რომ არ შეიძლება ასე მოქცევა. საკუთარი პერსონალური შეხედულებებით თუ კონფორმისტული განწყობებით ქვეყანას ზიანი არ უნდა მივაყენოთ", - განაცხადა ეკა ბესელიამ.

ავტორი: ექსპრესნიუსი,

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით