2019-04-23 13:01:50, 1154 ნახვა
საზოგადოება
მალაიზიის დელეგაცია ბიზნესის რეგისტრაციის ქართულ რეფორმებს გაეცნო
საჯარო რეესტრის ეროვნულ სააგენტოს მალაიზიის დელეგაცია ესტუმრა.
საჯარო რეესტრის საერთაშორისო ორგანიზაციებთან ურთიერთობის სამსახურის უფროსმა მარი ხარძიანმა დელეგაციის წევრებს ბიზნესის რეგისტრაციის სფეროში განხორციელებული ის წარმატებული რეფორმები გააცნო, რომელთა შედეგადაც საქართველო ბოლო წლების განმავლობაში "Doing Business" მსოფლიო რეიტინგებში მოწინავე პოზიციებს ინარჩუნებს.
მარი ხარძიანმა შეხვედრაზე მეწარმეთა და არასამეწარმეო (არაკომერციულ) იურიდიულ პირთა რეესტრის გამარტივებული პროცედურების, ელექტრონული სერვისების, ერთი ფანჯრის პრინციპით მომსახურების და საჯარო რეესტრის სხვა მნიშვნელოვანი პროექტების შესახებ წარადგინა პრეზენტაცია.
(NS)
ავტორი: ექსპრესნიუსი,
epn.ge (@expressnews.ge)
