საჯარო რეესტრის ეროვნულ სააგენტოს სასწავლო ვიზიტით აზერბაიჯანის რესპუბლიკის დელეგაცია ეწვია.

სააგენტოს ცნობით, ვიზიტის მიზანი  უძრავი ქონების არქივის სისტემისა და არქივირების პროცესის გაცნობა იყო.

აზერბაიჯანის სახელმწიფო კომიტეტის ბაქოს ოფისის არქივის დეპარტამენტის წარმომადგენლებს საჯარო რეესტრის ეროვნული სააგენტოს თავმჯდომარე ივანე ცარციძე შეხვდა. მან სტუმრებს უძრავი ქონების რეგისტრაციის სისტემა, ელექტრონული სერვისები და სააგენტოს მნიშვნელოვანი პროექტები გააცნო.

დელეგაციის წევრებისთვის  საჯარო რეესტრის რეგისტრაციის დეპარტამენტსა და არქივის სამსახურში საინფორმაციო ტურიც მოეწყო და სტუმრები  მონაცემების დიგიტალიზაციის, დოკუმენტების დასკანერების, არქივირებისა  და ინფორმაციის შენახვა/გაცემის პროცესებს სამუშაო ადგილზე გაეცნენ.

ვიზიტის ფარგლებში, აზერბაიჯაინის რესპუბლიკის დელეგაციის წევრებმა საჯარო რეესტრის არქივის შენობაც დაათვალიერეს,  სადაც ქაღალდის დოკუმენტები ცენტრალიზებულად და  საერთაშორისო სტანდარტების დაცვით,  უსაფრთხოდ ინახება.

(NS)

ავტორი: ექსპრესნიუსი,

სოციალური ქსელები

FIFA-მ შესაძლოა, IOC-ის გადაწყვეტილების შემდეგ, რუსეთის გუნდების აკრძალვა მოხსნას

ზიდანი დაბრუნდა! მსოფლიო ფეხბურთის ლეგენდამ საფრანგეთის ეროვნული ნაკრები ჩაიბარა.

ზელენსკიმ Wildberry-ზე თავდასხმას უკრაინის სამოქალაქო ინფრასტრუქტურაზე რუსეთის მიერ განხორციელებულ დარტყმებზე საპასუხოდ შეაფასა

მოსკოვისა და ტამბოვის ოლქებში მომხდარი დარტყმების შედეგად შვიდი ადამიანი დაიღუპა და 50-ზე მეტი დაშავდა