2019-04-10 19:09:02, 1694 ნახვა
საზოგადოება
სტრასბურგში, ევროსაბჭოს სასახლის წინ ზურაბ ჟვანიას ვარსკვლავი გაიხსნა
სტრასბურგში, ევროსაბჭოს სასახლის წინ საქართველოს ყოფილი პრემიერ-მინისტრის ზურაბ ჟვანიას ვარსკვლავი გაიხსნა.
ვარსკვლავზე დატანილია ზურაბ ჟვანიას ცნობილი ფრაზა, რომელიც მან 1999 წელს საბჭოს საპარლამენტო ასამბლეის სხდომაზე სიტყვით გამოსვლისას გააჟღერა - „მე ვარ ქართველი და მაშასადამე, ვარ ევროპელი“.
აღსანიშნავია, რომ მანამდე ევროსაბჭოს საქართველოს ასამბლეაში გაწევრიანებას ერთხმად მხარი დაუჭირა.
ევროპის საბჭოს სასახლის წინ იმ ცნობილი პოლიტიკური მოღვაწეების ვარსკვლავებია განთავსებული, რომლებსაც ევროპის საბჭოს მუშაობაში განსაკუთრებული წვლილი აქვთ შეტანილი.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
