წარმოშობით ქართველმა, ნიუ-იორკში მცხოვრებმა, თანამედროვე ხელოვნების წამყვანმა არტისტმა, დევიდ პოლ ქეიმ (დავით ხაბურძანიამ) თბილისში, თავისი პირველი Street Art ნამუშევარი შეასრულა.

ერთ ფერში გავლებული უსასრულო ხაზებით დევიდ პოლ ქეიმ გრიშაშვილის ქუჩაზე მდებარე ძველი შენობის უსახურ კედელს ახალი სიცოცხლე შესძინა და სივრცე წარმოსახვისთვის გამვლელებს დაუტოვა.

მხატვარს იმედი აქვს, რომ ეს იქნება პიონერი პროექტი, რომელიც  ადამიანებს მეტ ყურადღებას მიაქცევინებს ქუჩის არტზე და სულ მალე ჰაშთაგი #TBILISIWALLS დედაქალაქის სხვადასხვა უბნის შენობების კედლებზეც გაჩნდება.

“ვფიქრობ, წლის ბოლოს მომეცემა საშუალება, ისევ ჩამოვიდე თბილისში და იმედი მაქვს 30-40 კედელი მაინც იქნება მოხატული #TBILISIWALLS-ის ეგიდით“, - განაცხადა მხატვარმა.

დევიდ პოლ ქეის ნამუშევარი გრიშაშვილის ქუჩაზე მდებარე ერთ-ერთი ნაგებობის კედელზეა განთავსებული, რომლის მიმდებარედ, 1000 კვ.მ ფართობზე თანამედროვე ინვენტარით აღჭურვილი ახალი სკვერი ეწყობა.

კრწანისის რაიონის გამგებელმა ლევან ჯაფარიძემ დევიდ პოლ ქეის მადლობა გადაუხადა თბილისისთვის გაკეთებული საჩუქრისთვის და იმედი გამოთქვა, რომ აღნიშნული Street Art -ით როგორც თბილისელები, ისე დედაქალაქის სტუმრები დაინტერესდებიან.

პოლ ქეის ნამუშევრები ნიუ- იორკში, ლოს-ანჯელესში, პარიზსა და დუბაიში მრავალრიცხოვანი ჯგუფის შოუებში შედის. მისი მხატვრობით კერძო კოლექციონერები და მსოფლიოს ცნობილი ბრენდები ინტერესდებიან.

(NS)

ავტორი: ექსპრესნიუსი,

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით