დავით ბაგრატიონ-მუხრანელმა, რომელსაც ყოფილი მეუღლე ძალადობაში ადანაშაულებს, საქართველო დატოვა, - ამის შესახე მისმა ადვოკატმა ლევან ჩხეიძემ დღეს გამართულ პრესკონფერენციაზე განაცხადა. 

ადვოკატის ინფორმავიით, დავით ბაგრატიონ-მუხრანელი მადრიდში, დედამისთან გაემგზავრა. მისივე განმარტებით, გამგზავრების შესახებ გადაწყვეტილება მისი დაცვის ქვეშ მყოფმა გუშინ, გვიან ღამით მას შემდეგ მიიღო, რაც დედის ცუდად ყოფნის შესახებ შეიტყო. 

კითხვაზე - აქვს თუ არა მტკიცებულება დავით ბაგრატიონ-მუხრანლეს, რომ დედა ნამდვილად ავად ჰყავს, ადვოკატმა აღნიშნა, რომ შესაბამის დოკუმენტაციას მას შემდეგ გაასაჯაროებენ, როდესაც ბაგრატიონ-მუხრანელი საავადმყოფოში მივა. 

„როგორც კი ბატონი დავითი ჩავა ესპანეთში, ჯერ გზაშია, ჰოსპიტლიდან მოცემულ ყველა დოკუმენტაციას გავასაჯაროებთ. ის, რომ ასეთი ბრალდებები წამოვიდა მის შვილთან მიმართებაში, ამან იქონია სტრესული გავლენა მასზე, მიიღო ღამით შეტევა და გადაიყვანეს კლინიკაში. პირველი ბატონ დავითს გამოძიებისთვის არ შეუტყობინებია ქვეყნის დატოვების შესახებ, ამაში უკანონო არაფერი იყო, ის არ არის ძებნაში და შესაბამისად მან თავისუფლებად შეძლო საზღვრის გადაკვეთა“, - აღნიშნა ჩხეიძემ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით