პროკურატურა გახარიას მიერ მუქარის შემცველი წერილის გაგზავნაზე გაკეთებული განცხადების გამო, ხაზარაძეს დაკითხავს

2019-03-04 16:27:19, 1826 ნახვა

სამართალი

საქართველოს გენერალური პროკურატურის განმარტებით, „თიბისი ბანკის“ დამფუძნებელი მამუკა ხაზარაძე გამოიკითხება და როდესაც პროცესუალურად დაადასტურებს მის მიერ გახმოვანებულ ბრალდებას მუქარაზე, შესაბამისი სამართლებრივი რეაგირება მოხდება, - ამის შესახებ „ექსპრესნიუსს“ პროკურატურაში განუცხადეს.

"მამუკა ხაზარაძე გამოიკითხება ამავე საქმის ფარგლებში და როდესაც პროცესუალურად დაადასტურებს მის მიერ გახმოვანებულ ბრალდებას მუქარაზე, პროკურატურა მოახდენს სამართლებრივ რეაგირებას", - აცხადებენ უწყებაში.

შეგახსენებთ, რომ „თიბისი ბანკის“ დამფუძნებელმა მამუკა ხაზარაძემ საფინანსო-საბიუჯეტო კომიტეტის სხდომაზე განაცხადა, რომ მას შინაგან მინისტრმა, გიორგი გახარიამ მუქარის შემცველი წერილი გაუგზავნა.