2019-03-02 16:53:50, 3594 ნახვა

---

​„სიღარიბეს განაპირობებს დამღუპველ ჩვევაზე დახარჯული ფული“ - სიგარეტის შემდეგ, შესაძლოა, გასახვევი თამბაქოც გაძვირდეს

ჯანდაცვის კომიტეტის თავმჯდომარის აკაკი ზოიძის განცხადებით, ჯანდაცვის მსოფლიო ორგანიზაცია საქართველოს მოუწოდებს, რომ ქვეყანაში გასახვევ თამბაქოზე აქციზის ფასი გაიზარდოს.

ზოიძის განმარტებით, აქციზზე ფასის მატებით მოსახლეობა თამბაქოს ვეღარ მოიხმარს, რაც დეპუტატის მტკიცებით, მათ ჯანმრთელობაზე პირდაპირ აისახება.

"არგუმენტები, რომ რა ქნას ღარიბმა მოსახლეობამ არ მიიღება, იმიტომ, რომ მათ სიღარიბეს განაპირობებს სწორედ ის, რომ მათ არ შეუძლიათ ეს ფული, ამ დამღუპველ ჩვევაზე დახარჯული ფული, რომლითაც შეუძლიათ უზარმაზარი ეკონომია მიიღონ, მოახმარონ თავიანთ თავებს და თავიანთი შვილების ჯანმრთელ კვებას და სხვა საჭიროებების დაკმაყოფილებას", - განაცხადა ზოიძემ "მაესტროს" ეთერში. 

მან მთავრობას მოუწოდა დაასრულონ პროცედურები, რათა საქართველო შესაბამის კონვენციას შეურთდეს. 

---

ავტორი: ,

---

დღის თემა

მთავარი თემა

ინტერვიუ - ექსკლუზივი