აფეთქების შედეგად დაშავებული ერთ-ერთი ბავშვის მდგომარეობა მძიმეა

2019-01-16 22:36:10, 982 ნახვა

საზოგადოება

დიდ დიღომში მომხდარი აფეთქების შედეგად დაშავებული 4 ბავშვიდან ერთ-ერთის მდგომარეობა მძიმეა.

იგი იაშვილის კლინიკაში მართვით სუნთქვაზე იმყოფება და ექიმები მის გადარჩენას ცდილობენ.

რაც შეეხება დანარჩენ ბავშვებს, მათ სიცოცხლეს საფრთხე არ ემუქრება.

შეგახსენებთ, დიდ დიღომში აფეთქებას დადასტურებული ინფორმაციით 3 ადამიანი ემსხვერპლა, 10-მდე კი დაშავდა. დაშავებულებს შორის 4 ბავშვია. აფეთქება სავარაუდოდ, გაზის გაჟონვამ გამოიწვია. აფეთქების სიმძლავრემ კორპუსის და მიმდებარე საცხოვრებლების ფანჯრები ჩაამსხვრია. მოსახლეობა ევაკუირებულია.

ტერიტორიაზე სახანძრო სამაშველო და სასწრაფო დახმარების ეკიპაჟები მუშაობენ. მობილიზებულია საპატრულო პოლიცია.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები