უზენაესი სასამართლოს მოსამართლეობის კანდიდატების შერჩევასთან დაკავშირებით, იუსტიციის საბჭოს არამოსამართლე წევრები ანა დოლიძე და ნაზი ჯანეზაშვილი პარლამენტს საკანონმდებლო წინადადებით მიმართავენ.

მათი განმარტებით, მთავარი პრინციპი უნდა იყო შერჩევი პროცესის გამჭვირვალობა.

 „მთავარი ამ 5 პრინციპში არის ის, რომ იუსტიციის საბჭომ გადაწყვეტილება უნდა მიიღოს ერთხმად. ანუ, ყველა წევრმა, არა მარტო მოსამართლე წევრებმა და პარლამენტის  მიერ დანიშნულმა მოსამართლეებთან ალიანსში მყოფმა წევრებმა მისცენ ხმა მოსამართლე კანდიდატებს. ეს ყველაფერი, როგორც ცივილიზებულ ქვეყნებში ხდება, უნდა იყოს გამჭვირვალედ, ეს პროცესი უნდა ნახოს ყველამ, იქნება ეს ზუგდიდში თუ სიღნაღში და ყველა კვალიფიციურ და კომპეტენტურ იურისტ უნდა ჰქონდეს საშუალება ღია კონკურსში მიიღოს მონაწილეობა. იმედი გვაქვს, რომ პარლამენტი სერიოზულ ყურადღებას მიაქცევს ამ წინადადებებს“, - განაცხადა ანა დოლიძემ.

ნაზი ჯანეზაშვილმა ის კრეტერიუმები განსაზღვრა, რომლის გათვალისწინების შემთხვევაში, მოსამართლეების არჩევა უფრო ღია და გამჭვირვალე იქნება.

„თუკი იქნება ღია კონკურსი, ღია გასაუბრება, რომელიც იქნება ტრანსლირებული კომუნიკაციების სხვადასხვა გზებით, თუკი კი იქნება საერთოდ კონკურსი გამოცხადებული, იმიტომ რომ თქვენ იცით, რომ კონკურსი აქამდე არ გამოცხადებულა, და თუკი იქნება ეს 5 პრინციპი საერთო ჯამში მხარდაჭერილი პარლამენტის მიერ, მინიმუმამდე იქნება დაყვანილი ის, რომ ისევ მიხეილ ჩინჩალაძე, გვრიტიშვილები და მიქაუტაძეები მოხვდნენ სიაში. საბჭოს გაუჭირდება ასეთ ვითარებაში მიიღოს აშკარად მიკერძოებული გადაწყვეტილება. ყოველ შემთხვევაში, საზოგადოებას ექნება უფრო მეტი ინფორმაცია, უფრო დასაბუთებული ინფორმაცია, ვიდრე ეს აქამდე ჰქონდა. მერე, რა თქმა უნდა, პოლიტიკურ ნებაზეა დამოკიდებული, ვის დაუჭერს მხარს პარლამენტი და ვის არა“, - აღნიშნა ნაზი ჯანეზაშვილმა.

5 საკანონმდებლო წინადადება საკანონმდებლო ორგანოში უკვე შევიდა.

ავტორი: ,

სოციალური ქსელები

აშშ ირანს 7 საათის განმავლობაში ბომბავდა

ამერიკის შეერთებულმა შტატებმა ირანის წინააღმდეგ ახალი სანქციები დააწესა

ოდესის სანაპიროსთან დაბომბეს გემი, რომელზეც აზერბაიჯანელები იმყოფებოდნენ

აშშ-ის კონგრესი ემზადება, ტრამპს მიანიჭოს უფლებამოსილება, დააწესოს 100%-მდე ტარიფები რუსული ნავთობის მყიდველებისთვის