ბათუმში სტიქიის შედეგად დაშავებული ერთ-ერთი მამაკაცის მდგომარეობა ისევ მძიმეა

2019-01-05 12:37:02, 1273 ნახვა

საზოგადოება

ბათუმში მომხდარი სტიქიის გამო, ერთ-ერთი დაშავებული მამაკაცის ჯანმრთელობის მდგომარეობა ისევ მძიმეა.

ბათუმის რეფერალური საავადმყოფოს ექიმის ადოლია კაციას ინფორმაციით, მამაკაცს ოპერაცია ჩაუტარდა.

"სასწრაფო დახმარების ბრიგადის მიერ შემოყვანილია პაციენტი შემთხვევის ადგილიდან. მამაკაცს მრავლობითი დაზიანებები აღენიშნებოდა. მას ჩაუტარდა შესაბამისი გამოკვლევები. გულმკერდის ბლაგვი ტრავმა, დაჟეჟილობა, მენჯბარძაღის ტრავმა - ამ დაზიანებებით გადავიყვვანეთ საოპერაციო ბლოკში, სადაც ოპერაციული მკურნალობა ჩაუტარდა", - აღნიშნა ექიმმა.

რაც შეეხება მეორე დაშავებულს, აჭარის ჯანდაცვის მინისტრის ზაალ მიქელაძის თქმით, პაციენტი მკურნალობას რეანიმაციუ განყოფილებაში აგრძელებს.

"53 წლის მამაკაცია, რომელსაც ქალა-ტვინის დახურული ტრავმა აქვს. ჩაუტარდა პირველადი კვლევები და მართვით სუნთქვაზე იმყოფება. ის მკურნალობას რეანიმაციულ გამყოფილებაში აგრძელებს", - აღნიშნა მინისტრმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები