დღეს სამეცნიერო-მხატვრულ დოკუმენტური ფილმის „საქართველო-ღვინის სამშობლო“ პრემიერა გაიმართა, რომელსაც საქართველოს პრემიერ-მინისტრი მამუკა ბახტაძე, გარემოს დაცვისა და სოფლის მეურნეობის მინისტრი ლევან დავითაშვილი, მთავრობისა და პარლამენტის წევრები, სამეცნიერო და კულტურის სფეროს წარმომადგენლები დაესწრნენ.

ფილმი საერთაშორისო სამეცნიერო კვლევას ეძღვნება, რომელმაც ისტორიული აღმოჩენა გააკეთა და მეცნიერულად დაასაბუთა, რომ სწორედ საქართველოა ღვინის სამშობლო და 8000 წლის წინ ჩვენს ქვეყანაში დაიწყო ღვინის პირველი წარმოება, რაც უწყვეტად გაგრძელდა თანამედროვეობამდე.

ფილმი ასევე მოგვითხრობს სამეცნიერო პროექტის „ქართული ვაზისა და ღვინის კულტურის კვლევის“ სახელმწიფო პროექტისა და მის ფარგლებში, 2017 წელს, ბორდოში Cité des Civilisations Du Vin-ში გამართული გამოფენის შესახებ. ბორდოში, ღვინის ცივილიზაციათა ცენტრში გამართული ეს გამოფენა, რომელიც 3 თვეს გრძელდებოდა და რომელმაც ათობით ათასი მნახველის უდიდესი ინტერესი დაიმსახურა იყო უდიდესი წინგადადგმული ნაბიჯი ჩვენი ქვეყნის, მისი კულტურის, ისტორიის და ღვინის წარმოების, როგორც ჩვენი იდენტობის ნაწილის მსოფლიოსთვის ჩვენების გზაზე.

პროექტის სამეცნიერო ხელმძღვანელია მეცნიერებათა ეროვნული აკადემიის წევრ-კორესპონდენტი დავით ლორთქიფანიძე, ხოლო კოორდინატორი - ღვინის ეროვნული სააგენტოს მეცნიერი, საქართველოს მევენახეობის დარგის პროფესორი, სოფლის მეურნეობის მეცნიერებათა აკადემიური დოქტორი დავით მაღრაძე.

სამეცნიერო-დოკუმენტური ფილმი გადაღებულია გარემოს დაცვისა და სოფლის მეურნეობის სამინისტროს სსიპ  ღვინის ეროვნული სააგენტოსა და  საქართველოს ინტელექტუალური საკუთრების სააგენტოს „საქპატენტის“ მხარდაჭერით. ორმოცწუთიანი ფილმის  რეჟისორია ალექსანდრე გაბუნია.  გადაღებები სხვადასხვა დროს საქართველოსა და  აშშ-ში, ასევე იტალიასა და საფრანგეთში მიმდინარეობდა. ფილმი დაღებულია სტუდია „სინემანი ფილმს“-ის ბაზაზე. მხატვრულ-დოკუმენტური ფილმი 2019 წლიდან წარდგენილი იქნება სხვადასხვა ქვეყნის თემატურ ფესტივალებზე.

(NS)

ავტორი: ,

სოციალური ქსელები

ტრამპი: ერაყში მეტი ჯარისკაცი არ გვჭირდება

ზელენსკი: თუ პუტინი უკრაინაში წარმატებას მიაღწევს, ახალი ქვეყნების დაპყრობას შეეცდება

ტრამპი: რუსეთის წინააღმდეგ სანქციების კანონპროექტს შესაძლოა ირანი და ჰეზბოლა დაემატოს

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს