მიმდინარე წელს ნაძალადევის რაიონში ოთხი სკვერის მოწყობა-რეაბილიტაცია განხორციელდა. ერთ-ერთი, ზღვის უბნის III მიკრორაიონის IV კვარტალში, N57 კორპუსის მიმდებარედ არსებული სკვერია, სადაც ინფრასტრუქტურული სამუშაოები 1 400 კვ.მ ფართობზე შესრულდა.

პროექტის ფარგლებში, განათების ქსელი, სარწყავი სისტემა, ბორდიური და ფილები მოეწყო, განთავსდა საპარკე სკამები და კაუჩუკისსაფარიან მოედანზე საბავშვო ატრაქციონი დამონტაჟდა; ასევე, შესრულდა გამწვანების სამუშაოები.

რეაბილიტირებული სკვერი ნაძალადევის რაიონის გამგებელმა ირაკლი ხელაძემ თბილისის საკრებულოს მაჟორიტარ დეპუტატთან, თამარ ტალიაშვილთან ერთად დაათვალიერა.

„ზღვის უბანში ბევრი გამწვანებული ტერიტორია გვაქვს, სადაც შესაბამისი ინფრასტრუქტურის მოწყობაა საჭირო. საბიუჯეტო რესურსიდან გამომდინარე, ყველა სკვერის რეაბილიტაცია ერთდროულად ვერ ხდება, თუმცა ჩვენთვის რეკრეაციული სივრცეების კეთილმოწყობა პრიორიტეტია და ვცდილობთ, ასეთი ადგილები ეტაპობრივად მოვაწესრიგოთ“, - განაცხადა ირაკლი ხელაძემ.

ზღვის უბნის III მიკრორაიონის გარდა, არსებული სკვერების რეაბილიტაცია ც. დადიანის ქ. N65-ის მიმდებარედ, ხუდადოვისა და მესხის ქუჩების კვეთაზე განხორციელდა. გურამიშვილის გამზირზე, 141-ე სკოლის მიმდებარედ კი ახალი სკვერი მოეწყო.

ოთხივე პროექტი ნაძალადევის რაიონის გამგეობის დაფინანსებით შესრულდა, რისთვისაც ბიუჯეტიდან 323 382 ლარი გამოიყო.

ავტორი: ,

სოციალური ქსელები

მარტა კოსი: დღეს ევროკავშირის გაფართოებისთვის „სუპერ სამშაბათია“ - ჩვენ მოლდოვასა და უკრაინასთან მე-6 კლასტერს ვხსნით

სუს: 9 რეგიონში ჩატარებული ღონისძიების შედეგად, დაკავებული და სისხლის სამართლის პასუხისგებაში მიცემულია 28 პირი

ფოთი - ჭადრაკის ქალაქი. საქართველოს ბანკი ფოთის საჭადრაკო კლუბის მთავარი მხარდამჭერია

საქართველოს ბანკი ქმნის ინკლუზიურ საბანკო მომსახურებას