იუსტიციის სამინისტროს სსიპ „დანაშაულის პრევენციის ცენტრის“ დირექტორი თათია ხოჭოლავა მედიაციის სახლში მიმდინარე პროექტის − „მშობელთა სკოლის", მონაწილეებს შეხვდა. პროექტში გარდატეხის ასაკისათვის დამახასიათებელი სირთულეების მქონე მოზარდების დედები მონაწილეობდნენ. ტრენინგების ფარგლებში მშობლები  იმ აკადემიური და სოციალური პრობლემების შესახებ მსჯელობდნენ, რაც მათ  შვილებს აწუხებთ.

 „მშობელთა სკოლა"  სსიპ „დანაშაულის პრევენციის ცენტრის" ერთ-ერთი პროექტია, რომელიც ცენტრმა ამჯერად WorldVision საქართველოს წარმომადგენლობასთან თანამშრომლობით განახორციელა. პროექტი ორიენტირებულია მშობელთა გაძლიერებაზე. ტრენინგის ფარგლებში მშობლები ეცნობიან ბავშვის აღზრდის ფორმებს, შვილთან შესაძლო კონფლიქტების მოგვარების მეთოდებსა და საკანონმდებლო რეგულაციებს. სესიები დატვირთული იყო დისკუსიებითა და ჯგუფური სავარჯიშოებით.

„პროექტის მიზანი მშობელთა გაძლიერებაა, ვინაიდან ისინი წარმოადგენენ ბავშვების განვითარებაზე პასუხისმგებელ პირებს;  ტრენინგები შეეხებოდა ისეთ მნიშვნელოვან თემებს, როგორიცაა მოზარდთან ურთიერთობისას წარმოქმნილი პრობლემების განსაზღვრა, მშობლის პასუხისმგებლობის გააზრება, შვილის გრძნობებისა და ემოციების დანახვაში მხარდაჭერა,  მშობლის უფლებების გაანალიზება და სხვა. სწორედ, ამიტომ, ჩვენი ინტერესის სფერო არა მხოლოდ ბავშვები, არამედ ოჯახებიცაა. ჩვენი პროექტებით ვცდილობთ მხარი დავუჭიროთ ოჯახსა და ხელი შევუწყოთ მის გაძლიერებას, როგორც სახელმწიფოს უმნიშვნელოვანეს შემადგენელ ნაწილს.  მსგავსი შინაარსის ტრენინგსემინარები თუ პროექტები მშობლებისთვის მომავალშიც გაგრძელდება," განაცხადა თათია ხოჭოლავამ, რომელმაც პროექტის მონაწილეებს ჩართულობისთვის მადლობა გადაუხადა და სიმბოლური საჩუქრები გადასცა.

მედიაციის სახლი სსიპ „დანაშაულის პრევენციის ცენტრის" ბაზაზე ფუნქციონირებს. მედიაციის სახლის ერთ-ერთი მნიშვნელოვანი მიმართულება მოზარდებში დანაშაულის გამომწვევი ფაქტორების შემცირებაზე მუშაობაა. მედიაციის სახლში მოზარდისადმი კეთილგანწყობილი სივრცეა შექმნილი და ეხმარება ბენეფიციარს თავისუფალი დრო ნაყოფიერად, საინტერესოდ გაატაროს. მედიაციის სახლში იმართება სამიზნე ჯგუფების საჭიროებებზე მორგებული ტრენინგები, შემეცნებითი და საგანმანათლებლო სემინარები.

(NS)

ავტორი: ,

სოციალური ქსელები

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს