დედაქალაქის მერმა კახა კალაძემ საზოგადოებას მუნიციპალური ინსპექციის თანამშრომლები წარუდგინა და მათ კეთილსინდისიერი შრომისა და ქალაქზე ზრუნვისთვის მადლობა გადაუხადა.

დედაქალაქის მერმა პრეზენტაციაზე ასევე, ყურადღება გაამახვილა იმ საკანონმდებლო ცვლილებებზე, რომელიც ინსპექტირების ფუნქციების გაძლიერების მიზნით გატარდა. 

კახა კალაძემ თბილისის მერიის მიერ ინიცირებული ცვლილებების მხარდაჭერისთვის საქართველოს პარლამენტსა და დედაქალაქის საკრებულოს მადლობა გადაუხადა.

„რა თქმა უნდა, ნებისმიერი სამსახურის ეფექტიან მუშაობას განაპირობებს ასევე, შესაბამისი საკანონმდებლო ბაზა. ამ მიმართულებით, წელს ახალი რეგულაციები ამოქმედდა, რომლის ძალაში შესვლამდე, სამართალდარღვევების რიცხვი საკმაოდ მაღალი იყო. ჯარიმები იმდენად მიზერულ თანხებს შეადგენდა, რომ სამართალდამრღვევი წესების დაცვას ჯარიმის გადახდას ამჯობინებდა“, - განაცხადა კახა კალაძემ.  

მისივე თქმით, სამშენებლო დარღვევებისა და უსაფრთხოების წესების დაცვის, გარე ვაჭრობის, გარე რეკლამისა და ქალაქის იერსახის სხვადასხვა ფორმით დამახინჯების მიმართულებით, ჯარიმების ოდენობა უკვე გაზრდილია. 

დედაქალაქის მერმა დღეს, ზედამხედველობის განახლებული  სამსახური - თბილისის მერიის მუნიციპალური ინსპექცია წარადგინა, რომელიც ქალაქში ურბანულ წესრიგზე იქნება პასუხისმგებელი. 

(NS)

ავტორი: ,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის