არასრულწლოვანთა მართლმსაჯულების რეფორმა და არასრულწლოვანთა მართლმსაჯულების კოდექსი როგორც რეფორმის ერთ-ერთ ყველაზე მნიშვნელოვანი მიღწევა - ეს არის ის ძირითადი თემები, რომლის გაცნობის მიზნით საქართველოს სასწავლო ვიზიტით ბელარუსისა და ტაჯიკეთის დელეგაციები სტუმრობენ.

მაღალი რანგის სტუმრებს საქართველოს იუსტიციის მინისტრის პირველი მოადგილე მიხეილ სარჯველაძე, გაეროს ბავშვთა ფონდის საქართველოს ოფისის და იუსტიციის სამინისტროს სსიპ „დანაშაულის პრევენციის ცენტრის“ წარმომადგენლები შეხვდნენ. შეხვედრა თბილისის იუსტიციის სახლში გაიმართა.

დელეგაციების შემადგენლობაში არიან ორივე ქვეყნის აღმასრულებელი და სასამართლო ხელისუფლების, ასევე ადამიანის უფლებების თემაზე მომუშავე საერთაშორისო ორგანიზაციების წარმომადგენლები.

მიხეილ სარჯველაძემ სტუმრებს კოდექსის მნიშვნელობისა და დოკუმენტის ძირითად პრინციპებზე ესაუბრა. როგორც შეხვედრაზე აღინიშნა,  „არასრულწლოვანთა მართლმსაჯულების კოდექსი“ კანონთან კონფლიქტში მყოფი ბავშვებისთვის ნოვაციებს ამკვიდრებს.  კოდექსის მიზანია, მისცეს მოზარდებს სპეციალური, ბავშვებზე ორიენტირებული მართლმსაჯულება და განსაკუთრებული მიდგომები დააწესოს ბრალდებულ, დაზარალებულ და მოწმე მოზარდებზე. ბავშვის საუკეთესო ინტერესებზე ორიენტირებული სპეციალური კოდექსი არასრულწლოვანთათვის საქართველოს კანონმდებლობისათვის სრულიად ახალი ინსტიტუტია და თანამედროვე ქართული მართლმსაჯულებისათვის არამარტო ინოვაციურ, არამედ რევოლუციურ პროექტს წარმოადგენს. კოდექსის მთავარი მიზანი არასრულწლოვნისათვის ცხოვრების სუფთა ფურცლიდან დაწყებისა და რესოციალიზაციის შანსის მიცემაა.

ბელარუსისა და ტაჯიკეთის დელეგაციების სასწავლო ვიზიტი 12 ოქტომბრამდე გაგრძელდება. დაგეგმილია მედიაციის სახლის დათვალიერება, რომელიც წარმოადგენს სპეციალურად აღჭურვილ სივრცეს მედიაციისათვის და მორგებულია მედიატორთა საჭიროებებზე. ასევე, ვიზიტის ფარგლებში გაიმართება შეხვედრები სპეციალური პენიტენციური  სამსახურის, პრობაციის ეროვნული სააგენტოსა და პროკურატურის წარმომადგენლებთან. დელეგაციების ერთობლივი სასწავლო ვიზიტი გაეროს ბავშვთა ფონდისა (unicef) და ეუთოს ტაჯიკეთის ოფისის წარმომადგენლების ორგანიზებით იმართება.

(NS)

ავტორი: ,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის