ღვინის ეროვნულ სააგენტოში წიგნის „აგრარული ტერმინოლოგიის განმარტებითი ლექსიკონი“ პრეზენტაცია გაიმართა, რომელიც სოფლის მეურნეობის სამეცნიერო-კვლევითი ცენტრის თანამშრომლების ავტორობით გამოიცა.

განმარტებით ლექსიკონში 4000-ზე მეტი ახალი სიტყვა/ტერმინია მოცემული, რომელიც უკანასკნელი წლების განმავლობაში დამკვიდრდა აგრარულ დარგში. სახელმძღვანელო განკუთვნილია უმაღლესი საგანმანათლებლო სასოფლო-სამეურნეო სპეციალობის ბაკალავრების, მაგისტრების და დოქტორებისათვის, ასევე ფერმერებისა და ფერმერულ მეურნეობებში მომუშავე სპეციალისტებისთვის.

წიგნის პრეზენტაციას გარემოს დაცვისა და სოფლის მეურნეობის მინისტრი ლევან დავითაშვილი, მოადგილე იური ნოზაძე, უწყებაში შემავალი საგენტოების ხელმძღვანელები, საქართველოს მეცნიერებათა ეროვნული აკადემიის პრეზიდენტი ოთარ კვესიტაძე, ვიცე-პრეზიდენტი რამაზ ხუროძე, აკადემიკოსი თენგიზ ურუშაძე, ფერმერთა ასოციაციის პრეზიდენტი ნინო ზამბახიძე, საქართველოს სოფლის მეურნეობის მეცნიერებათა აკადემიის, საქართველოს აგრარული უნივერსიტეტის  და აგრარული დარგის სხვა წარმომადგენლები ესწრებოდნენ.

„სოფლის მეურნეობის ტერმინოლოგია არ გამოცემულია 50 წელზე მეტია, ამ ხნის განმავლობაში დარგი სხვადასხვა მიმართულებით გაძლიერდა. კლიმატის გლობალური ცვლილებები, გლობალიზაციის პრობლემები, ევროპასთან ჰარმონიზაციის მიმართულებები ახალი გამოწვევების წინაშე აყენებს აგრარული მეცნიერების სხვადასხვა დარგს, გაჩნდა თანამედროვე ტერმინები, ამიტომაც დღის წესრიგში დადგა აგრარული განმარტებითი ლექსიკონის გამოცემა“ - აღნიშნა სოფლის მეურნეობის სამეცნიერო-კვლევითი ცენტრის დირექტორმა, ლევან უჯმაჯურიძემ.  

ლექსიკონში ახალ ტერმინებთან ერთად შენარჩუნებულია ტრადიციული ქართული ტერმინებიც, რომელიც აგრარულ დარგში დამკვიდრებულია. წიგნის ავტორები ახლო მომავალში დარგების მიხედვით თემატური ლექსიკონების გამოშვებას გეგმავენ. 

(NS)

ავტორი: ,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება