საპარლამენტო უმრავლესობის წევრი გედევან ფოფხაძე, „ქართული ოცნებიდან“ დავით ჭიჭინაძის გარიცხვაზე საუბრისას გამოთქმული ფრაზის გამო, ბოდიშს იხდის.

როგორც ფოფხაძემ აღნიშნა, განცხადება, რომელშიც „ქართული ოცნება“ კომუნისტურ პარტიას შეადარა, ემოციურ ფონზე გააკეთა.

„ბოდიშს ვიხდი ამ ციტატის გამო. ვთხოვ ჩემ კოლეგებს, რომ მომიტევონ, ემოციური იყო. მე მაქსიმალურად მინდა, ამ ვითარებაში ვითამაშო შუამავლის როლი. თავის დროზე დათო ჭიჭინაძე მარწმუნებდა, რომ მე არ უნდა წავიდე „ქართული ოცნებიდან“ და ჩვენი გუნდურობა და ერთად ყოფნა არის ძალიან მნიშვნელოვანი. მეც ვაპირებ, იგივე გავაკეთო და ვესაუბრო დავითს ამ საკითხთან დაკავშირებით. მე მინდა, რომ ეს გადაწყვეტილება შეიცვალოს პოლიტსაბჭოს მიერ. მინდა, ამაში ყველა ჩემი თანაგუნდელი ჩაერთოს და თუ ვინმეს რაიმე წყენა აქვს ბატონ დავითთან, ამაზეც გუნდში ვისაუბროთ“, - განაცხადა გედევან ფოფხაძემ.

ცნობისთვის, მპგ „ქართული ოცნება - დემოკრატიული საქართველოს“ სამდივნომ პარტიიდან დავით ჭიჭინაძის გარიცხვის გადაწყვეტილება მიიღო. როგორც განცხადებაშია აღნიშნული, „გასული რამდენიმე თვის განმავლობაში მპგ „ქართული ოცნება - დემოკრატიული საქართველოს“ და საპარლამენტო უმრავლესობის წევრმა, დავით ჭიჭინაძემ გააკეთა არაერთი საჯარო განცხადება, რომლითაც მან შეურაცხყოფა მიაყენა პოლიტიკური გუნდის წევრებს და ზიანი მიაყენა პარტიის იმიჯსა და ინტერესებს“.

ავტორი: ,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი