საქართველოს იუსტიციის სამინისტროს სსიპ „დანაშაულის პრევენციის ცენტრმა“ ბენეფიციარების შვილებს და ახალგაზრდული პროგრამების მოსწავლეებს ბავშვთა დაცვის დღისადმი მიძღვნილი სპორტულ-გასართობი პროგრამა შესთავაზა.

ღონისძიება „ბულბულების ჭალაში“ გაიმართა, რომელსაც „დიდი თამაში“ ეწოდება. ეს არის  „ფორტ ბოიარდის“ მსგავსი სათავგადასავლო თამაში, რომელშიც   5-6 მონაწილისგან დაკომპლექტებული გუნდები მონაწილეობდნენ. „დავალება“ გუნდის ან მისი ცალკეული წევრის მიერ გადასალახ ინტელექტუალური, ფიზიკური ან კრეატიული სახის წინაღობას წარმოადგენდა.

დანაშაულის პრევენციის ცენტრის ყოფილ პატიმართა რეაბლიტაციისა და რესოციალიზაციის სამმართველოს უფროსის ნინო ბისეიშვილის განცხადებით,  სპორტულ-გასართობი პროგრამით პატარებს სათავგადასავლო და შემეცნებითი ერთობლიობა შევთავაზეთ.

„ფიზიკური და ინტელექტუალური შეჯიბრი მხიარულად წარიმართა. დღეს ყველა მონაწილე გამარჯვებულად დასახელდა. ჩვენ პატარებს ერთი მხიარული დღე ვაჩუქეთ“, - აღნიშნა ნინო ბისეიშვილმა.

ღონისძიება  არაფორმალური განათლების ახალგაზრდულმა ცენტრმა ,,მზიანმა სახლმა“ ჩაატარა, რომელმაც მონაწილეთა კვებაც უზრუნველყო. იუსტიციის სამინისტროს დანაშაულის პრევენციის ცენტრი უკვე ტრადიციულად, ბავშვთა დაცვის საერთაშორისო დღეს, პატარებს გასართობ-შემეცნებითი პროგრამით ულოცავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზატულინი -ევროკავშირი საქართველოს რუსეთის წინააღმდეგ „მეორე ფრონტის“ გახსნისკენ უბიძგებს

საქართველოში რუსეთის ინტერესების სექცია - ახალი პატრიარქის არჩევის შესახებ ამბავი რუსეთში დიდი ენთუზიაზმით მიიღეს

ავსტრიამ ორჯერ ჩაჭრა აშშ-ის საჰაერო ძალების თვითმფრინავები ფრენის ნებართვის გარეშე

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა