თბილისში, სასტუმრო „ბილტმორ“-ში ევრაზიის უროონკოლოგიური კონგრესი გაიმართა. ღონისძიება საქართველოს უროლოგთა ასოციაციისა  და ევრაზიის უროონკოლოგიური ასოციაციის ორგანიზებით მოეწყო.

ევრაზიის რიგით მერვე უროონკოლოგიური კონგრესი წელს საქართველოში პირველად ჩატარდა და მასში 15-ზე მეტი ქვეყნის  წარმომადგენლებმა  მიიღეს მონაწილეობა (თურქეთი, ისრაეილი, საბერძნეთი, ჰოლანდია, ესპანეთი, გერმანია, მოლდავეთი, აშშ, ალჟირი, იორდანია, ყაზახეთი, სასომხეთი, აზერბაიჯანი, უზბეკეთი და სხვა)

კონფერენციის მიზანი უროონკოლოგიური დაავადებების მართვის თანამედროვე, ევროპული პრინციპების გაცნობა და ქართველი უროლოგების ცოდნის დონის ამაღლებაა. ღონისძიება  უპრეცენდენტო მულტიდისციპლინარული მიდგომითაც  გამოირჩევა  და მასში მონაწილეობა  საქართველოს 19 დიდი სამედიცინო დაწესებულების ექიმებმა მიიღეს.

 სამეცნიერო ღონისძიების ფარგლებში განხილული და გაანალიზირებული იქნა თანამედროვე უროლოგიის უმნიშვნელოვანესი პრობლემები, როგორიცაა: პროსტატის, შარდის ბუშტისა და თირკმლის კიბო, სათესლე ჯირკვლის კიბო და სხვა. ღონისძიებას   უროლოგიისა და ონკოუროლოგიის მსოფლიო დონის ექსპერტები ესწრებოდნენ.

ღონისძიება გარდა იმისა, რომ ქართველი ექიმების ცოდნის დონის ამაღლებას ემსახურება, ასევე  ასაბუთებს და ხაზს უსვავს საქართველოს, როგორც კავკასია-ცენტრალური აზიის რეგიონის ლიდერს უროლოგიასა და მის მომიჯნავე სპეციალობებში.

ავტორი: ,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს