"ქუჩის ბიჭების" სოლისტი ირაკლი ნოზაძე სამართალდამცველებმა დღეს დაკითხონ.

ირაკლი ნოზაძის ადვოკატი აცხადებს, რომ მისი დაცვის ქვეშ მყოფს ესაუბრა. მომღერალი ნარკოტიკების მოტივით რაიმე კონფლიქტის დაწყებას გამორიცხავს.

აღსანიშნავია, რომ სამართალდამცველებს ირაკლი ნოზაძის დაკითხვა გუშინ ჰქონდათ დაგეგმილი, თუმცა მომღერლის ჯანმრთელობის მდგომარეობის გამო მასთან გასაუბრება ვერ მოხერხდა.

"იმედის" ინფორმაციით, მომღერლის მკვლელობის მცდელობისთვის ბრალდებული თამთა ჯანჯღავა აცხადებს, რომ ნოზაძეს ამფეტამინის შესაძენად 250 ლარი მისცა, თუმცა მერე ნარკოტიკის მიღება გადაიფიქრა და ფულის დაბრუნება მოითხოვა. 

ცნობისთვის, მომღერალ ირაკლი ნოზაძის დაჭრაში ბრალდებულ თამთა ჯანღავას და დანაშაულის შეუტყობინებლობისთვის ბრალდებულ ნათია თოფურიას აღკვეთის ღონისძიების სახით პატიმრობა შეეფარდათ.

შეგახსენებთ, ირაკლი ნოზაძეს თავს 25 ივნისს, წერეთლის გამზირზე დაესხნენ. მას ჭრილობა ცივი იარაღით მიაყენეს.  თავდასხმის ბრალდებით სამართალდამცავებმა ორი გოგო გაადაკვეს. გამოძიება თამთა ჯანჯღავას განზრახ მკვლელობის მცდელობას, ხოლო მის მეგობარ ნათია თოფურიას დანაშაულის შეუტყობინებლობას ედავება. ჯანჯღავა ბრალს არ აღიარებს და აცხადებს, რომ „პიკასოს“ მოკვლა არ სურდა.

ავტორი: ,

სოციალური ქსელები

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს