მემანქანეების გაფიცვის გამო, ყველა მეტროსადგური დღესაც გაჩერებულია. 

ქალაქში მოძრავი მუნიციპალური ავტობუსები კი მგზავრებს კვლავ უფასოდ ემსახურებიან.

თბილისის მერიაში გაფიცული მემანქანეებისა და დედაქალაქის მერის, კახა კალაძის შეხვედრა კონკრეტული შედეგის გარეშე დასრულდა.

შეხვედრის დასრულების შემდეგ, ვიცე-მერმა ირაკლი ხმალაძემ ჟურნალისტებს განუცხადა, რომ თბილისის მერი და შეხვედრის მონაწილეები ამჯერად გლდანში, დეპოს მიმდებარე ტერიტორიაზე წავლენ, სადაც მეტროს სხვა მემქანანეები არიან შეკრებილი და მოლაპარაკებებს იქ გააგრძელებდნენ.
შეხვედრა გლდანის დეპოს შენობაში 1 საათის განმავლობაში მიმდინარეობდა. 

შეხვედრაზე მეტროს მემანქანეების გარდა, არასამთავრობო ორგანიზაციის წარმომადგენლები და სხვა აქტივისტებიც შევიდნენ, თუმცა, მერის მოთხოვნით, მათ ოთახი დაატოვებინეს. 

შეხვედრის მსვლელობისას, მემანქანეების ნაწილმა დედაქალაქის მერთან შეხვედრა პროტესტის ნიშნად დატოვა. როგორც მემანქანეებმა ჟურალისტებთან საუბარში განაცხადეს, თბილისის მერი კახა კალაძე მათ ეუბნება, რომ ხელფასების მომატებას მერია 2019 წლიდან განიხილავს, რასაც მემანქანეები არ ეთანხმებიან. დეპოს მორიგის, ვანო მარუაშვილის თქმით, ამ დროისთვის პროტესტი გრძელდება და მეტრო დღეს მუშაობას არ განაახლებს.

შეგახსენებთ, რომ მეტროს მემანქანეები 3 ივნისს დილიდან გაიფიცნენ.  
გაფიცვის გამო, ყველა მეტროსადგური დაკეტილია. მენანქანეები ხელფასების 45 პროცენტით გაზრდას ითხოვენ. 

ავტორი: ,

სოციალური ქსელები

TI ადამიანის უფლებათა ევროპულ სასამართლოში თბილისის საპროტესტო აქციების მონაწილის ინტერესებს დაიცავს.

ილჰამ ალიევმა დაამტკიცა საქართველოსთან ელექტროენერგიის მიწოდებისა და ტრანზიტის შესახებ შეთანხმება

ნანუკა ჟორჟოლიანი: „ერთიანი ნაციონალური მოძრაობის“ თავმჯდომარის თანამდებობის გაუქმება არ იგეგმება

WSJ: ისრაელმა აშშ-ს აცნობა, რომ ირანი ტრამპის მკვლელობას გეგმავს