არსებობენ გარკვეული ძალები ვისაც აქვს შესაძლებლობა და სურვილი, ოჯახის ტრაგედია გამოიყენონ თავიანთი ვიწრო პარტიული ინტერესისთვის, - ამის შესახებ თბილისის მერმა და პარტია "ქართული ოცნების" გენერალურმა მდივანმა კახა კალაძემ განაცხადა.

კალაძის თქმით, როგორც კი რაიმე გადაცდომას ექნება ადგილი, ხელისუფლება კანონის ფარგლებში იმოქმედებს.

"ზვიად კუპრავა არ ვიცი საერთოდ ვინ არის და რას წარმოადგენს, მაგრამ რა წარსული აქვს ძალიან კარგად ვიცი. ჩვენთვის დღეს მთავარი ამოცანაა, რომ ამ ოჯახების ტრაგედიით მანიპულირების შესაძლებლობა არ უნდა მივცეთ არავის. არავის მივცემთ ამის შესაძლებლობას. ვისმენთ გასაოცარ მოწოდებებს. კიდევ ერთხელ ვიმეორებ, რომ აზრის გამოხატვის შესაძლებლობა აქვს ნებისმიერ ადამიანს ამ ქვეყანაში, მაგრამ ეს არ უნდა გადაიზარდოს ქაოსში. არსებობენ გარკვეული ძალები ვისაც აქვს შესაძლებლობა და სურვილი, და ეს ბოლო დღეების განმავლობაში კარგად გამოჩნდა, რომ ოჯახის ტრაგედია გამოიყენონ თავიანთი ვიწრო პარტიული ინტერესისთვის. ამას არავითარ შემთხვევაში არ დავუშვებთ. კიდევ ერთხელ ვიმეორებ, ყველას აქვს უფლება გამოხატოს თავისი აზრი,  მაგრამ როგორც კი, რამე გადაცდომა იქნება ვინმეს მხრიდან ხელისუფლება იმოქმედებს შესაბამისად, კანონის ფარგლებში", - განაცხადა კახა კალაძემ.

ავტორი: ,

სოციალური ქსელები

აშშ-ის საზღვაო ძალებმა ირანის საზღვაო ბლოკადა დაასრულეს

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა