2018-06-01 23:42:05, 1610 ნახვა

---

„იგეგმება პროვოკაციები!“ - კუპრავა აქციაზე გამომძიებლების მისვლას და თინა ხიდაშელის ძმის დაკითხვაზე დაბარებას ითხოვს

ჩვენთან მოვიდა თინა ხიდაშელის ძმა, რომელმაც გვითხრა, რომ იგეგმება პროვოკაციები ამ მშვიდობიან აქციაზე, - ამის შესახებ ზაზა სარალიძის უფლებადამცველმა, ზიად კუპრავამ „იბერიას“ პირდაპირ ეთერში განაცხადა.

კუპრავამ შსს-ს მოუწოდა დაუყოვნებლივ დაიბარონ თინა ხიდაშელის ძმა, რომელიც სუს-ის ყოფილი მაღალჩინოსანია.

მან ასევე აქციაზე, საგამოძიებო ჯგუფის მისვლაც ითხოვა. კუპრავას თქმით, მხოლოდ მათ ეტყვის იმ დეტალებს, რომელიც ხიდაშელის ძმისგან მოისმინა. 

„ძალიან მნიშვნელოვანი ინფორმაცია მინდა გითხრათ, რომელიც სულ ახლახანს რამდენიმე წუთის წინ მივიღეთ. ჩვენთან მოვიდა თინა ხიდაშელის ძმა, რომელიც არის სუს-ის ყოფილი მაღალჩინოსანი.  ის წამოსულია სუს-იდან, თუმცა ფლობს მაღალ გავლენებს და ბერკეტებს. მან გვითხრა ჩვენ რომ იგეგმება პორვოკაციები ამ მშვიდობიან აქციაზე. მან ასევე გვითხრა თუ რა ტიპის პროვოკაცია არის ეს. ამიტომ მე მოვუწოდებ შსს და მინისტრ გახარიას, დაუყონებლივ, ამ წუთშივე დაიბარონ დაკითხვაზე ქალბატონი თინა ხიდაშელის ძმა. დაკითხონ თუ რა ინფორმაციას ფლობს ის აღნიშნულ აქციაზე პროვოკაციასთან დაკავშირებით. ეს პროვოკაცია არის დანაშაულებრივი ქმედება, რაზეც ამ პირმა ისაუბრა. ასევე მოვითხოვ საგამოძიებო ჯგუფი მოვიდეს აქ და მე მივაწვდი დეტალურ ინფორმაციას მათ“,- განაცხადა კუპრავამ.

მისივე თქმით, შსს-ს განცხადება იყო ერთგვარი შემზადება , რომ ზაზა სარალიძის მიმართ იგეგმება პროვოკაცია.

---

ავტორი: ,

---

დღის თემა

მთავარი თემა

ინტერვიუ - ექსკლუზივი