ხორავას ქუჩაზე მოკლული არასრულწლოვნის დავით სარალიძის მკვლელობის მცდელობაში ბრალდებულის ადვოკატი ტარიელ კაკაბაძე თბილისის საქალაქო სამსამართლოს მოსამართლის ეკა არეშიძის გადაწყვეტილებას არ ეთანხმება.

კაკაბაძის თქმით, საქმე დიდი ალბათობით სააპელაციო სასამართლოში გასაჩივრდება.

„იმ ფონზე როდესაც სასამართლომ არ გაიზიარა ბრალდების მხარის არგუმენტაცია და ვერსია იმასთან დაკავშირებით, რომ ჩემი დაცვის ქვეშ მყოფმა მოკლა დავით სარალიძე და ჩათვალა, რომ მას ის არ მოუკლავს, მიმაჩნია რომ ეს სასჯელი არაადეკვატურია თვითონ განაჩენთან, თუმცა ჩვენთვის განსაკუთრებით მნიშვნელოვანი იქნება, განაჩენის სამოტივაციო ნაწილი, თუ რას დაწერს მოსამართლე, როგორ დაასაბუთებს ამ გადაწყვეტილებას და შემდეგ ჩამოვყალიბდებით გავასაჩირებთ თუ არა. თუმცა ზოგადად სააპელაციოში რომ წავა ეს საქმე და ორივე მხარე გაასაჩივრებს, დიდი ალბათობით მოივლის უზენაეს სასამართლოს, ამაში საზოგადოებას და არავის ეჭვი არ ეპარება“,- განაცხადა ტარიელ კაკაბაძემ.

ცნობისთვის, სასამართლომ გ.ბ.-ს დადუნაშვილის მკვლელობისთვის 10.6 წელი მიესაჯა, ხოლო გ.ჯ.-ს დავით სარალიძის მკვლელობის მცდელობისთვის 9.9 წელი.

ავტორი: ,

სოციალური ქსელები

აშშ-ის საზღვაო ძალებმა ირანის საზღვაო ბლოკადა დაასრულეს

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა