საერთაშორისო რესპუბლიკური ინსტიტუტის კვლევების ცენტრის მიერ გამოქვეყნებული კვლევის თანახმად, მსოფლიოს ქვეყნებს შორის ყველაზე ცუდი ურთიერთობა საქართველოს რუსეთთან აქვს.

გამოკითხული მოსახლეობის 89% რუსეთ-საქართველოს ურთიერთობებს ნეგატიურად აფასებს. აღნიშნულ ურთიერთობას საშუალოდ მოსახლეობის 7% აფასებს და მხოლოდ 4 პროცენტი მიიჩნევს, რომ საქართველოს რუსეთთან კარგი ურთიერთობა აქვს.

აღსანიშნავია, რომ ქვეყნების სიაში ევროკავშირი, ამერიკის შეერთებული შტატები (88%), უკრაინა (83%), აზერბაიჯანი (82%), თურქეთი (75%), სომხეთი (68%), ჩინეთი (56%) და ირანი (45%) არიან. ყველაზე კარგად მოსახლეობამ ევროკავშირთან არსებული ურთიერთობა შეაფასა (90%).

ამავე კვლევის მიხედვით, გამოკითხულთა 86% პროცენტი აცხადებს, რომ 2008 წლის აგვისტოს შემდეგ რუსეთის მხრიდან საქართველოს მიმართ აგრესია გრძელდება. 7% ამ მოსახზრებას არ ეთანხმება, ხოლო კიდევ 7%-მა პასუხისგან თავი შეიკავა.

კითხვაზე - რომელი ქვეყანა უქმნის საქართველოს პოლიტიკურ საფრთხეს, გამოკითხული მოსახლეობის 85%-მა რუსეთი დაასახელა. ამასთან, მოსახლეობის 8% მიიჩნევს, რომ რუსეთი პოლიტიკური პარტნიორია.

ყველაზე ნაკლებ საფრთხეს საქართველოს მოსახლეობა ევროკავშირში (1%), ჩინეთსა ( 1%) და სამხეთში (3%) ხედავს.  

გარდა ამისა, კვლევის ფარგლებში დადგინდა, რომ მოსახლეობის 46% რუსეთთან დიალოგის გამართვას მხარს უჭერს.

ავტორი: ,

სოციალური ქსელები

ირანის რეჟიმის პრეზიდენტმა მადლობა გადაუხადა ყაველაშვილს აიათოლა ალი ხამენეის დაკრძალვაზე დასწრებისთვის

უკრაინამ იერიში მიიტანა ყუბანში მდებარე ილსკის ნავთობგადამამუშავებელ ქარხანაზე და როსტოვში მდებარე დიდ თავდაცვით ქარხანაზე

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა