დედაქალაქის მერიამ საზოგადოებრივი ავტობუსების სახელწიფო შესყიდვაზე ელექტრონული ტენდერი ხელახლა გამოაცხადა. 

სატენდერო დოკუმენტაციის თანახმად, გამარჯვებულმა კომპანიამ ქალაქი ეტაპობრივად 100, ევრო 6-ის სტანდარტის, 10-მეტრიანი, 3-კარიანი, დიზელის საწვავზე მომუშავე და შშმ პირებზე ადაპტირებული ავტობუსით უნდა უზრუნველყოს.

მერიის მოთხოვნით, ავტობუსები უნდა იყოს 2018 წელს გამოშვებული. ამასთან, ტრანპორტი ერთი მარკისა და მოდელის უნდა იყოს. ავტობუსების გარბენი 1700 კმ-ს არ უნდა აღემატებოდეს. 69 მგზავრზე გათვლილ ავტობუსს მგზავრთათვის განკუთვნილი 23 დასაჯდომი ადგილი უნდა ჰქონდეს და მინიმუმ 1 შშმ პირზე გათვლილი სივრცე. ავტობუსი შშმ პირებისთვის განკუთვნილი მექანიკური პანდუსით, ეტლის დასამაგრებელი მოწყობილობით, სახელურებითა და გაჩერების მოთხოვნის ღილაკით უნდა იყოს აღჭურვილი.

თენდერის მიხედვით, ავტობუსის კომპლექტაციაში უნდა შედიოდეს ინტეგრირებული გათბობა, კონდიცირება, ვენტილაცია და ანტივანდალური ვიდეო მონიტორინგი. 

დედაქალაქის მერია ტენდერში გამარჯვებულ კომპანიას ახალ ავტობუსებში 45 მილიონ ლარს გადაუხდის. 

ცნობისთვის, 3 წლის განმავლობაში თბილისის თვითმმართველობა სულ 700 ახალი ავტობუსის შეძენას გეგმავს. ავტობუსების შესყიდვაზე პირველად ტენდერი 8 მაისს გამოცხადდა. 

ავტორი: ,

სოციალური ქსელები

ირანის რეჟიმის პრეზიდენტმა მადლობა გადაუხადა ყაველაშვილს აიათოლა ალი ხამენეის დაკრძალვაზე დასწრებისთვის

უკრაინამ იერიში მიიტანა ყუბანში მდებარე ილსკის ნავთობგადამამუშავებელ ქარხანაზე და როსტოვში მდებარე დიდ თავდაცვით ქარხანაზე

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა