პოლონეთის ქალაქ ტორუნში ქართული ღვინის დეგუსტაცია სახელწოდებით „ქართული ღვინო პოლონეთში“ გაიმართა. ღონისძიების ორგანიზატორი ღვინის ეროვნული სააგენტოს კონტრაქტორი კომპანია „Vinisfera” იყო.

დეგუსტაციაზე მოწვეული იყვნენ პროფესიონალები: ღვინის იმპორტიორები, დისტრიბუტორები, რესტორნებისა და მაღაზიების მფლობელები, ღვინის ბლოგერები, სულ 30-მდე სტუმარი.

ტორუნი ქართული ღვინისთვის ძალიან პერსპექტიული ადგილია, რადგან ეს ქალაქი ითვლება პოლონეთის ტურისტულ და საგანმანათლებლო ცენტრად. 1997 წელს ტორუნი „იუნესკოს“ კულტურული მემკვიდრეობის ძეგლების სიაში შევიდა.

დეგუსტაციაზე წარმოდგენილი იყო სხვადასხვა სტილის ღვინოები, როგორ კლასიკური წესით დამზადებული, ისე ქვევრის ღვინოები. 

ქართული ღვინის პრეზენტაციას „Vinisfera”-ს ხელმძღვანელი მარიუს კაპჩინსკი უძღვებოდა.

პოლონეთი ქართული ღვინის ერთ-ერთ სტრატეგიულ ბაზარს წარმოადგენს და  ქართული ღვინის ექსპორტიორი ქვეყნების ხუთეულში შედის.  2018 წლის იანვარ-აპრილის მონაცემებით საქართველოდან პოლონეთში ექსპორტირებულია  1 მლნ-ზე მეტი ბოთლი ღვინო, რაც  24%-ით აღემატება წინა წლის ანალოგიურ მაჩვენებელს.

(NS)

ავტორი: ,

სოციალური ქსელები

ირანის რეჟიმის პრეზიდენტმა მადლობა გადაუხადა ყაველაშვილს აიათოლა ალი ხამენეის დაკრძალვაზე დასწრებისთვის

უკრაინამ იერიში მიიტანა ყუბანში მდებარე ილსკის ნავთობგადამამუშავებელ ქარხანაზე და როსტოვში მდებარე დიდ თავდაცვით ქარხანაზე

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა