გარემოს დაცვისა და სოფლის მეურნეობის მინისტრმა ლევან დავითაშვილმა ამერიკის შეერთებული შტატების და ევროპის წამყვანი უნივერსიტეტების კურსდამთავრებულებს უმასპინძლა.

ჰარვარდის, ტუფტის ფლეტჩერის და ჰუმბოლტის უნივერსიტეტის დიპლომატიის, პოლიტიკის მეცნიერებებისა და სამართლის სკოლის კურსდამთავრებულები საქართველოს პროგრამის „აზიის ლიდერთა ცენტრი“ ფარგლებში ესტუმრნენ. ვიზიტის მიზანი საქართველოს, როგორც ევროპისა და აზიის დამაკავშირებელი ქვეყნის როლის, გეოპოლიტიკური და აგრარული პოტენციალის გაცნობა იყო.
დელეგაციის 18 წევრი 11 ქვეყნის (აშშ, სამხრეთ კორეა, ისრაელი, პოლონეთი, იაპონია, ბანგლადეში, თურქეთი, ავსტრალია, მალაიზია) წარმომადგენელი იყო.

კურსდამთავრებულთა შორის იყვნენ წარმატებული ქართველები, ფლეტჩერის დიპლომატიის და სამართლის სკოლის მაგისტრი ზვიად აძინბაია და ჰუმბოლტის უნივერსიტეტის (გერმანია) მაგისტრი ანა კიკნაძე.

სტუმრებმა ქალაქები სიღნაღი და თელავი დაათვალიერეს,  კომპანიას „შატო ზეგაანი“ ესტუმრნენ და, მინისტრთან ერთად, ღვინის დეგუსტაციაში მიიღეს მონაწილეობა. ლევან დავითაშვილმა სტუმრებს ღვინის დაყენების ქართული ტრადიცია გააცნო და საქართველოში აგრარული დარგის განვითარების პერსპექტივებზე ესაუბრა.

 „აღფრთოვანებული ვარ თქვენი ქვეყნის ისტორიით, სტუმარ-მასპინძლობის წესით და მეღვინეობის ტრადიციით. აღნიშნული პროგრამის ფარგლებში, ჩვენ არაერთ ქვეყენაში ვიყავით, მაგრამ ასე თბილად და მეგობრულად, როგორც თქვენ მიგვიღეთ, არსად უმასპინძლიათ. საოცრად შთამბეჭდავია თქვენი ქვეყნის და ქართული ღვინის ისტორია. ვაპირებ წიგნი გამოვცე ამ მოგზაურობის შესახებ და აქვე შემიძლია გითხრათ, რომ აღნიშნულ კრებულში საქართველოს და ქართულ ღვინოს მნიშვნელოვანი ადგილი დაეთმობა. ჩვენ თქვენი ქვეყნის ელჩები ვიქნებით ჩვენს ქვეყანაში“, - განაცხადა ჯგუფის ლიდერმა, „აზიის ლიდერთა ცენტრის“ პრეზიდენტმა სამუელ კიიმ.

(NS)

ავტორი: ,

სოციალური ქსელები

ირანის რეჟიმის პრეზიდენტმა მადლობა გადაუხადა ყაველაშვილს აიათოლა ალი ხამენეის დაკრძალვაზე დასწრებისთვის

უკრაინამ იერიში მიიტანა ყუბანში მდებარე ილსკის ნავთობგადამამუშავებელ ქარხანაზე და როსტოვში მდებარე დიდ თავდაცვით ქარხანაზე

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა