საქართველოს პირველი დამოუკიდებელი რესპუბლიკის 100 წლის იუბილესთან დაკავშირებით, გარემოს დაცვისა და სოფლის მეურნეობის სამინისტროს დაქვემდებარებულ ლაბორატორიაში სკოლის მოსწავლეებისათვის ღია კარის დღე ჩატარდა. მოეწყო შემეცნებითი ტური  ლაბორატორიის საუკუნოვანი ისტორიის შესახებ. 

გამოფენილი იყო ლაბორატორიის საქმიანობის საარქივო ფოტო-მასალა, სადაც ნაჩვენები იყო ლაბორატორიული დანადაგრების  განვითარების ეტაპები.

ღია კარის დღე ჩატარდა მცენარეთა მავნე ორგანიზმების  დიაგნოსტიკის  ლაბორატორიებში. მოსწავლეებს  განემარტათ ბიოუსაფრთხოებისა და  ლაბორატორიულ დანადგარებთან უსაფრთხო მუშაობის პრინციპები. 

ასევე, მათ შესაძლებლობა ჰქონდათ უახლესი აპარატურით აღჭურვილი ლაბორატორიის მუშაობის სპეციფიკას ადგილზე გასცნობოდნენ და თავადაც ჩართულიყვნენ სხვადასხვა ექსპრეს-ტესტის წარმოებაში.ლაბორატორიის სპეციალისტებმა მოსწავლეებს მცენარეთა მავნე ორგანიზმების შესახებ ამომწურავი ინფორმაცია მიაწოდეს. 

სსიპ საქართველოს სოფლის მეურნეობის სამინისტროს ლაბორატორია მაქსიმალურად ცდილობს  დაეხმაროს სასწავლო საგანმანათლებლო დაწესებულებებს მომავალი სპეციალისტების აღზრდაში. მსგავსი სახის ღონისძიებების მიზანია საბუნებისმეტყველო და აგრარული მეცნიერებების მიმართულების  პოპულარიზაცია, ახალგაზრდული იდეების წახალისება და დამწყები პროექტების ხელშეწყობა.

ამჯერად, ლაბორატორიას კახეთის რეგიონის, საგარეჯოს, გომბორის, უდაბნოს, პატარძეულის, ხაშმის და „მზის გულის“ საჯარო სკოლის მე-9, მე-10 კლასის მოსწავლეები ესტუმრნენ.

(NS)

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს