მეტრო „რუსთაველის“ მიმდებარე ტერიტორიაზე „ადამიანის უფლებების სწავლებისა და მონიტორინგის ცენტრის (EMC), „სოლიდარობის ქსელი - მშრომელთა ცენტრისა“ და „აუდიტორია 115“-ის ორგანიზებით, აქცია გაიმართა.

აქციის მონაწილეებმა მეტროს მემანქანეებს სოლიდარობა გამოუცხადეს და აღნიშნეს, რომ შრომის პირობებიდან გამომდინარე, მათი ხელფასების 45%-ით გაზრდა უნდა მოხდეს. მათ ასევე თბილისის საქალაქო სასამართლოს გადაწყვეტილება გააპროტესტეს, რომლის თანახმადაც, მეტროს მემანქანეებს სამუშაო საათებში გაფიცვის უფლება არ აქვთ.

მეტროს მემანქანეებს და „თბილისის სატრანსპორტო კომპანიას“ შორის დავა უკვე რამდენიმე თვეა მიმდინარეობს. მას შემდეგ, რაც მოლაპარაკებები ვერ შედგა, მეტროს მემანქანეებმა 3 მაისს გაფიცვა დააანონსეს, თუმცა თბილისის საქალაქო სასამართლოს გადაწყვეტილებით, გაფიცვის უფლება მათ 3 ივნისამდე შეეზღუდათ. ამის შემდეგ, 21 მაისს სასამართლომ მემანქანეებს „სამუშაო საათების განმავლობაში“ გაფიცვაში მონაწილეობა კიდევ ერთხელ შეუზღუდა, თუმცა ამჯერად, განუსაზღვრელი ვადით.

შეგახსენებთ, თბილისის მეტროპოლიტენის მემანქანეები საათობრივი ანაზღაურების გაზრდას ითხოვენ. თუმცა, როგორც მერიაში აცხადებენ, ამ ეტაპზე მათთვის ხელფასების მომატება არ იგეგმება. ამასთან, „თბილისის სატრანსპორტო კომპანიამ“ 30 აპრილს 2013 წლის შემდეგ მემანქანეების შემოსავლების ზრდის დინამიკა გაასაჯაროვა.

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს