საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა სოზარ სუბარმა მესტიის მუნიციპალიტეტში დევნილი ოჯახებისთვის დაფინანსებული მცირე საწარმოები მოინახულა.

დევნილი ოჯახებისთვის შემოსავლის წყაროს გაჩენა სახელმწიფოსა და დევნილთა სამინისტროს ერთ-ერთ უმთავრეს ამოცანას წარმოადგენს.  სწორედ ამ მიზნით, ევროკავშირის პროგრამის ფარგლებში, მცირე მეწარმეობის დასაწყებად ან განსავითარებლად,  საქართველოს მასშტაბით, გრანტი 1000 დევნილ ოჯახს გადაეცა, მათ შორის 16 პროექტი მესტიის მუნიციპალიტეტში დაფინანსდა.

სოზარ სუბარი მესტიის მუნიციპალიტეტის სოფელ ლენჯერში მცხოვრებ შამილ ხორგუანს  ესტუმრა. შამილ ხორგუანმა გრანტის საშუალებით,  მიწის დასამუშავებლად მოტობლოკი შეიძინა, რაც დევნილი ოჯახის შემოსავლის წყაროდ იქცა.

მცირე მეწარმეების დაფინანსების პარალელურად, სამინისტროსთან არსებული საარსებო წყაროებით უზრუნველყოფის სააგენტო „დევნილთა თვითდასაქმების ხელშეწყობის პროგრამასაც“ ახორციელებს.  სააგენტომ პროფესიული სასწავლებლების კურსდამთავრებულ 49 დევნილს თვითდასაქმებისთვის საჭირო ხელსაწყოები უკვე შეუსყიდა.

პროგრამის ფარგლებში, სააგენტომ აფხაზეთიდან დევნილ ავთანდილ ცაავას კარ-ფანჯრის დამზადებისა და დამონტაჟებისთვის საჭირო ხელსაწყოები გადასცა. დღეს, ავთანდაილ ცაავას საკუთარი მცირე ბიზნესი აქვს და 6 ადამიანი ყავს დასაქმებული. 

დევნილთა და განსახლების მინისტრმა მესტიის მუნიციპალიტეტში განახლებული საბავშვო ბაღებიც დაათვალიერა, რომელთა   აღსაზრდელების 50%-ზე მეტს დევნილი ბავშვები შეადგენენ.  

ევროკავშირის მიერ დაფინანსებული საგრანტო პროგრამის ფარგლებში, საქართველოს მასშტაბით, 48 საბავშვო ბაღი თანამედროვე სტანდარტების შესაბამისად მოეწყო და აღიჭურვა. მათ შორის, 10 სკოლამდელი აღზრდის დაწესებულება მესტიის მუნიციპალიტეტში მდებარეობს.

(NS)

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს