თბილისში პარლამენტთან, სადაც საპროტესტო აქცია მიმდინარეობს, რეგიონებიდან მოსახლეობა მოემართება.

როგორც აქციის ორგანიზატორებმა განაცხადეს, თბილისისკენ რამდენიმე ავტობუსი დაიძრა.  ამასთან, აქციის ორგანიზატორები ყველა მოქალაქეს პარლამენტის შენობასთან მისვლისკენ მოუწოდებენ.

„მოდით გავერთიანდეთ, ეს ბრძოლა ჩვენ უნდა მოვიგოთ. მოდით აქ დადექით ჩვენთან ერთად. ეს ტრიბუნა ყველასია და ეს ქვეყანა ჩვენია! რამდენადაც ჩვენთვის გახდა ცნობილი რამდენიმე ავტობუსი დაიძრა, რომელიც ჩვენკენ მოემართება. გვინდა მადლობა გადავუხადოთ ყველა მხარდამჭერს და კიდევ ერთხელ მოვიუწოდებ ყველას გამოვიდეს“,- მიმართა აქციის მონაწილეებს ერთ-ერთმა ორგანიზატორმა.

გავრცელებული ინფორმაციით ავტობუსები თბილისში აჭარიდან და გურიიდან მოემართებიან.

პარლამენტთან ამ დროისთვის ათასზე მეტი ადამიანია შეკრებილი. მათი მთავარი მოთხოვნებია: დაუყოვნებლივ დატოვოს თანამდებობა პრემიერმა გიორგი კვირიკაშვილმა; უპირობოდ გადადგეს საკუთარ ხალხზე მოძალადე შს მინისტრი გიორგი გახარია; დაისაჯოს 12 მაისის შავი პარასკევის ძალადობრივ ოპერაციაზე პასუხისმგებელი ყველა პირი; მმართველ ძალაში ხალხის მხარეს მყოფი პოლიტიკოსები გაემიჯნონ ხელისუფლების მიერ არჩეულ ძალადობრივ კურსს.

პარლამენტთან ასობით სამართალდამცველია მობილიზებული. ასევე, ქაშუეთის ეკლესიასთან სეპცრაზმი იმყოფება. ასევე ვრცელდება ინფორმაცია, რომ „თავისუფლების მოედნისკენ“ წყლის ჭავლის მანქანები მიემართებიან.

ავტორი: ,

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე