ბათუმში დღეს, 13:00 საათზე, შეზღუდული შესაძლებლობის მქონე პირთა სარეაბილიტაციო ცენტრის ოფიციალური გახსნა გაიმართება.

აჭარის ჯანდაცვის სამინისტროს ინფორმაციით, გახსნის ცერემონიალს აჭარის ა/რ მთავრობის თავმჯდომარე არჩილ ხაბაძე, აჭარის ა/რ უმაღლესი საბჭოს თავმჯდომარე ავთანდილ ბერიძე, აჭარის მთავრობის მინისტრთა კაბინეტის წევრები, თურქეთის რესპუბლიკის ელჩი საქართველოში ზექი ლევენთ გიუმრუქჩუ, თურქეთის გენერალური კონსული ბათუმში იასინ თემიზქან, თურქეთის თანამშრომლობისა და კოორდინაციის სააგენტოს თბილისის ოფისის კოორდინატორი მუსტაფა ქორქმაზი დაესწრება.

ღონისძიების ფარგლებში დაგემილია თურქეთის რესპუბლიკის ვიცე-პრემიერის ნუმან ქურთულუშის და „თიკა“-ს პრეზიდენტის სერდარ ჩემის პირდაპირი ჩართვა-მისალმება ქ. ორდუდან.

2013 წელს, ქ. ბათუმის შშმ პირთა ცენტრის რესარემონტო-აღდგენითი სამუშაოები და სრული აღჭურვა აჭარის ა/რ შრომის, ჯანმრთელობისა და სოციალური დაცვის სამინიტროს მიმართვის საფუძველზე დაიწყო „თიკა-ს თბილისის საკოორდინაციო ოფისმა. ცენტრის შენობა (ყოფილი მახინჯაურის ჩვილ ბავშვთა სახლი) აჭარის მთავრობამ საზოგადოება „თანა“-ს 10 წლიანი უსასყიდლო სარგებლობის უფლებით გადასცა.

„თანა“ ცენტრი ახორციელებს სახელმწიფო პროგრამებს შშმ პირებისათვის, რაც გულისხმობს მათ ინკლუზიურ განათლებას, დასაქმებისათვის საჭირო უნარ-ჩვევების დაუფლებას და საზოგადოებაში ინტეგრაციას. ამჟამად ცენტრში რეაბილიტაციის კურსს გადის 150-მდე შეზრუდული შესაძლებლობების მქონე პირი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტელეკომპანია „დოჟდის“ მთავარ რედაქტორს ტიხონ ძიადკოს „ყალბი ამბების“ საქმეში რვა წლით თავისუფლების აღკვეთა მიესაჯა

სამეფო ოპერის თეატრმა დიდი ბრიტანეთის პრემიერ-მინისტრს პაატა ბურჭულაძის საქმეში ჩარევისკენ მოუწოდა

საქართველოს რაგბის ეროვნული ნაკრების ყოფილი კაპიტანს დოპინგის ბრალდებით 11 წლით დისკვალიფიკაცია მისცეს

EU-ის წარმომადგენლობა: ვულოცავთ შიო III-ს სრულიად საქართველოს კათოლიკოს-პატრიარქად გამორჩევას