შინაგან საქმეთა სამინისტრო აქტიურად მუშაობს იმ ინტერნეტ-გვერდების გამოვლენასა და შემდეგ მათი გამოყენების შეზღუდვაზე, რომელთა საშუალებიტაც სხვადასხვა ტიპის ნარკოტიკების შეძენაა შესაძლებელი. 

როგორც ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს უფროსმა მამუკა ჭელიძემ განაცხადა, ამ მიმართულებით პრობლემის მოსაგვარებლად ქვეყანა უცხოელ პარტნიორებთან თანამშრომლობს. 

„დღეისათვის, ნარკოტიკული საშუალებების ინტერნეტის გამოყენებით შეძენა ურთულესი გამოწვევაა. ამ მიმართულებით აქტიურად ვთანამშრომლობთ ჩვენს საერთაშორისო პარტნიორებთან, რის შედეგადაც არაერთი ღონისძიება განვახორციელეთ და დავაკავეთ პირები, რომლებიც ნარკოტიკებს კონკრეტულ მისამართებზე ათავსებდნენ, შემდგომი რეალიზაციის მიზნით. შინაგან საქმეთა სამინისტრო ამ მიმართულებით კვლავ ინტენსიურად ახორციელებს ოპერატიულ ღონისძიებებს, რომელთა შედეგების შესახებაც უახლოეს მომავალში გაცნობებთ. შინაგან საქმეთა სამინისტროს კიბერდანაშაულთან ბრძოლის სამმართველოს თანამშრომლები, ასევე, აქტიურად მუშაობენ იმ ინტერნეტ-გვერდების გამოვლენასა და შემდეგ უკვე მათი გამოყენების შეზღუდვაზე, რომელთა საშულებითაც შესაძლებელია სხვადასხვა ტიპის ნარკოტიკების შეძენა.

სამინისტრომ ბოლო 4 თვეში, მთელი ქვეყნის მასშტაბით, სხვადასხვა დროს ჩატარებული ოპერატიულ-საგამოძიებო ღონისძიებების შედეგად, უკანონო ბრუნვიდან ამოიღო განსაკუთრებით დიდი ოდენობით სხვადასხვა სახის ნარკოტიკული საშუალება: 8 კილომდე  ჰეროინი, 1 კილოზე მეტი კოკაინი, 318 გრამი ახალი ფსიქოაქტიური და ფსიქოტროპული ნივთიერება, მათ შორის, ბუპრენორფინის შემცველი  3 456 აბი, ასევე, 1,5 კილოგრამი სინთეტიკური ნარკოტიკული საშუალება „მდმა“ და 650 გრამი სხვადასხვა სახის ფსიქოტროპული ნივთიერება“, - განაცხადა მამუკა ჭელიძემ.~

(NS)

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია