მარშანია: ეს პუტინი, ადამიანი ვლადიმერი არის უძლიერესი და ანგარიშგასაწევი

2018-05-02 19:36:38, 1480 ნახვა

კომენტარი

"პატრიოტთა ალიანსის" წევრის ადა მარშანიას განცხადებით, რუსეთთან დიალოგის დაწყება საქართველოსთვის მნიშვნელოვანია.

მარშანიას თქმით, უნდა შეიქმნას ნატო-საქართველო-რუსეთის ფორმატი, თუმცა მანვე დასძინა, რომ ქვეყნის მთავრობას არ აქვს მზაობა, აღნიშნული ფორმატი განახორციელოს.

„უნდა გავიხედოთ ჩრდილოეთისკენაც, დავინახოთ კარგად ჩვენი ჩრდილო მეზობელი, ბავშვობიდან ვიცნობდით მგონი ყველა მას კარგად, ზოგი სწავლობდა, ზოგი ახლაც იქ სწავლობს, ცხოვრობს და მუშაობს, ესეც უნდა შეგახსენოთ. ბოლოსდაბოლოს ვიფიქროთ იმაზე, რომ ვერსად ვერ გავექცევით ჩვენ ერთმანეთს, გავატაროთ პრაქტიკული და პრაგმატული პოლიტიკა და ძალიან გთხოვთ ბატონო ბოკერია, ნუ ნერგავთ ჩვენს საზოგადოებაში, განსაკუთრებით ახალგაზრდა თაობაში, ანტირუსულ განწყობას. პოლიტიკაში მე ვიცი ინტერესები, პუტინი არის რუსეთის ფედერაციის პრეზიდენტი და უნდა გახსოვდეთ ეს ყოველ წუთს და მთელი მსოფლიო მას ელაპარაკება. პუ“წ“ინი ადამიანი ვლა“ძ“იმირი არის უძლიერესი", - განაცხადა ადა მარშანიამ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები