იმ მოწმის ტანსაცმელზე, რომელიც ამბობს, რომ ხორავას ქუჩაზე გარდაცვლილ დავით სარალიძესთან შეხება არ ჰქონია, სარალიძის  სისხლის კვალი აღმოჩნდა. ადვოკატ ტარიელ კაკაბაძის განცხადებით, გენეტიკური ექსპერტიზის დასკვნით მტკიცდება, რომ  დავით სარალიძის მკვლელობაში სხვა პირებიც მონაწილეობდნენ.

„ამ მტკიცებულებასაც ვერ დააიგნორებს სასამართლო, ვერ დააიგნორებს ვერავინ, ამ მტკიცებულებიდან დასტურდება კონკრეტული პირის გარდაცვლილთან შემხებლობა.მიუხედვად იმისა,  რომ შეიძლება კონკრეტული პირის ჩვენებით გამოირიცხებოდეს მისი შემხებლობა გარდაცვლილთან, ექსპერტიზის დასკვნა უტყუარი მტკიცებულებაა“,-განაცხადა ტარიელ კაკაბაძემ.

დღევანდელ პროცესზე  საქმეში არსებული ფარული ჩანაწერები გამოიკვლიეს. ადვოკატის მტკიცებით, სასამართლოში დაკითხულ პირთა ჩვენებები და მათი ჩანაწერებში ნათქვამი ერთმანეთს ეწინააღმდეგება.

პროკურორ ზვიად ფხაკაძის თქმით, ხსენებულ ფარულ ჩანაწერებში პირები საუბრობენ იმის შესახებ, თუ რა მოხდა ხორავას ქუჩაზე.

„ თუ ვინ რას მოქმედებდა და რა მდგომარეობა იყო, ვის მიერ როგორ, რა ვითარებაში მოხდა დანის გამოყენება“,-აღნშნა პროკურორმა.

შეგახსენებთ, პირველ დეკემბერს, თბილისში, ხორავას ქუჩაზე არასრულწლოვნებს შორის ურთიერთშელაპარაკების შედეგად ორი მოზარდი მოკლეს. ერთი მათგანი საავადმყოფოში მიყვანამდე გზაში გარდაიცვალა, ხოლო მეორე მოზარდი- ინციდენტიდან მეორე დღეს დაიღუპა. მკლელობის ბრალდებით ორი არასრულწლოვანია დაპატიმრებული, 5 პირი კი, დანაშაულის შეუტყობინებლობისთვის პასუხისგებაში მიეცა.

ავტორი: ,

სოციალური ქსელები

„გაიარე მეტი უსაფრთხოდ“ - „თეგეტა მოტორსის“ საგზაო უსაფრთხოების კამპანია სკოლებში

საქართველოში ვიზიტის შემდეგ, ევროსაბჭოს ადამიანის უფლებათა კომისარი ანგარიშს აქვეყნებს

მოემზადეთ PLUS-ის დაბადების დღისთვის - მიიღეთ 20%-იანი PLUS ქულების ქეშბექი Alta-ში DREAME-ის პროდუქციის შეძენისას

ქალი პოლიტიკოსები რუსთავის ციხესთან შეიკრიბნენ და ელენე ხოშტარიას სოლიდარობა გამოუცხადეს