თბილისის მერიის კულტურის, განათლების, სპორტისა და ახალგაზრდულ  საქმეთა საქალაქო სამსახურისა და „თბილისის ახალგაზრდული ცენტრების გაერთიანების“ ორგანიზებით „თბილისის  ახალგაზრდობის  ფორუმი 2018“ გაიხსნა.

ღონისძიებას  თბილისის მერის მოადგილე სოფიო ხუნწარია დაესწრო და მონაწილეებს სიტყვით მიმართა. მერის მოადგილემ ახალგაზრდული ორგანიზაციების ხელშეწყობასა და ახალგაზრდებთან მეტი კომუნიკაციის მნიშვნელობაზე გაამახვილა ყურადღება.

„თბილისის მერიის მხრიდან ამ ფორმითა და მასშტაბით პირველად ტარდება ახალგაზრდული ფორუმი  და მიხარია, რომ ამდენი ახალგაზრდაა ჩართული.  ძალიან მნიშვნელოვანია მათი იდეების მოსმენა სწორედ ქალაქის განვითარების კუთხით.  ეს არის უმნიშვნელოვანესი პლატფორმა იმისათვის, რომ გაღრმავდეს კომუნიკაცია მუნიციპალიტეტსა და ახალგაზრდებს შორის. ახალგაზრდული კონკურსის  მეშვეობით, რომელიც ცოტა ხანში გამოცხადდება, ჩვენ ველოდებით იდეებს, რომელიც გულისხმობს ქალაქის მასშტაბით პრობლემატიკის დანახვას და მისი დაძლევის გზების ჩამოყალიბებას. ამ იდეების განხორციელებაში ჩვენ აქტიურად ჩავერთვებით“, - განაცხადა სოფიო ხუნწარიამ. 

თბილისის მერიის კულტურის, განათლების, სპორტისა და ახალგაზრდულ  საქმეთა საქალაქო სამსახურის უფროსმა ირაკლი გვილავამ ფორუმზე პრეზენტაცია წარმოადგინა და  მუნიციპალური ახალგაზრდული პროგრამებისა და სერვისების შესახებ ვრცლად ისაუბრა.  მისი თქმით, ფორუმის ფარგლებში მონაწილეები მიიღებენ ამომწურავ ინფორმაციას მუნიციპალური ახალგაზრდული პროგრამებისა და ამ მიმართულებით არსებული პრიორიტეტების შესახებ, ასევე, გაეცნობიან ერთმანეთის საქმიანობას, მიზნებს და დასახავენ თანამშრომლობის გეგმებს.

ფორუმის მიზანია განათლებისა და ახალგაზრდობის სფეროში თანამშრომლობის განვითარება თბილისის მერიასა  და  თბილისში მოქმედ საერთაშორისო და ადგილობრივ  ორგანიზაციებს შორის; მუნიციპალური პრიორიტეტების განსაზღვრაში და პროგრამების განხორციელებაში ახალგაზრდული და სამოქალაქო ორგანიზაციების მონაწილეობის ხელშეწყობა; თბილისში განათლებისა და ახალგაზრდობის სფეროს განვითარების მიზნით ერთობლივი პროგრამების დაგეგმვა  და  ერთიანი სამოქმედო გეგმის შემუშავება; ახალგაზრდების საჭიროებებზე ორიენტირებული მუნიციპალური ახალგაზრდული პროგრამების და სერვისების განხორციელება.

ორდღიან ფორუმში თბილისში მოქმედი სახელმწიფო უწყებები,  საერთაშორისო ორგანიზაციები,  ადგილობრივი საგანმანათლებლო  და  ახალგაზრდული   ორგანიზაციები მონაწილეობენ.

ღონისძიებას თბილისის საკრებულოს თავმჯდომარე გიორგი ტყემალაძე, საპარლამენტო უმრავლესობის ლიდერი არჩილ თალაკვაძე, საკრებულოსა და საქართველოს პარლამენტის დეპუტატები ესწრებოდნენ. 

(NS)

ავტორი: ,

სოციალური ქსელები

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა