დედაქალაქის მერი კახა კალაძე, მერის მოადგილე ირაკლი ბენდელიანთან და ინფრასტრუქტურის განვითარების საქალაქო სამსახურის თანამშრომლებთან ერთად, სოფელ დიღომში  საგზაო ინფრასტრუქტურულ სამუშაოებს გაეცნო.

ინფრასტრუქტურის განვითარების საქალაქო სამსახური სოფელ დიღომში სამი მთავარი ქუჩის კაპიტალური რეაბილიტაციის სამუშაოებს აწარმოებს. ყაზბეგის, ფიროსმანისა და რუსთაველის ქუჩის ნაწილზე საკომუნიკაციო ქსელისა და ასფალტის ახალი, ორფენიანი საფარის მოწყობის სამუშაოები მიმდინარეობს. 

„ჩვენ ახლა ვიმყოფებით სოფელ დიღომში, სადაც  1,8-კილომეტრიან  მონაკვეთში მიმდინარეობს  საგზაო ინფრასტრუქტურის მოწესრიგება და  მოასფალტება. აქ გზაზე არსებული მდგომარეობა სერიოზული პრობლემა იყო წლების განმავლობაში. არსებული  ინფრასტრუქტურა ადგილობრივი მოსახლეობის უკმაყოფილებას იწვევდა. პროექტი ზაფხულის დასაწყისში დასრულდება. ასევე, ინფრასტრუქტურული პროექტები გაზაფხულიდან კიდევ უფრო მასშტაბურად დაიწყება. ჩვენ მთელი ქალაქის მასშტაბით ყველა რაიონში, ყველა უბანში ვაპირებთ  არსებული მდგომარეობის მოწესრიგებას“-განაცხადა თბილისის მერმა.   

 პროექტის მიხედვით, აღნიშნულ ქუჩებზე სანიაღვრე არხების მოწყობის შემდეგ, ასფალტო-ბეტონის ახალი საფარი დაიგება და ეზოებში შესასვლელების რეაბილიტაცია მოხდება. პროექტით გათვალისწინებულია, ასევე, არსებული სამი ერთეული სახიდე გადასასვლელის შეკეთება. 

პროექტს თბილისის მერიის ინფრასტრუქტურის განვითარების საქალაქო სამსახურის დაკვეთით, შპს ,,სახელმწიფო სამშენებლო კომპანია“ ახორციელებს.

დედაქალაქის ბიუჯეტიდან აღნიშნულ სამუშაოებზე 828,037,36 ლარი დაიხარჯება. სარეაბილიტაციო სამუშაოები მიმდინარე წლის ივნისში დასრულდება.

(NS)

ავტორი: ,

სოციალური ქსელები

თიბისის მხარდაჭერით, საქართველოს ნაკრები ინფორმატიკის ევროპის ახალგაზრდულ ოლიმპიადაზე გაემგზავრება

მიხეილ ყაველაშვილი – ჩვენმა საპარლამენტო დელეგაციამ ჯო უილსონს სათანადო პასუხი გასცა

სააკაშვილი: „რეფორმატორთა საბჭოს“ შექმნა ხელს შეუწყობს „ნაციონალური მოძრაობის“ განახლებას

საქართველოს დელეგაციამ პროტესტის ნიშნად ჰააგის დეკლარაციის კენჭისყრის დარბაზი დატოვა