„ქართველ მუსლიმთა კავშირი“ ვალეში კათოლიკური სიწმინდეების დაწვის ფაქტს გმობს.

როგორც „ქართველ მუსლიმთა კავშირის" თავმჯდომარის, ტარიელ ნაკაიძის განცხადებაშია აღნიშნული, მომხდარი ვანდალური ფაქტია, რომელიც სასწრაფო რეაგირებას საჭიროებს. 

„ქართველი მუსლიმების სახელით ვგმობთ  2018 წლის 12 მარტს ვალეში მომხდარ ვანდალურ ფაქტს,  კათოლიკური ლოცვის წიგნებისა და ხატების დაწვის თაობაზე.

ვფიქრობთ ეთნიკური და რელიგიური მრავალფეროვნება არის ჩვენი ქვეყნის მნიშვნელოვანი წარსული და ამავე დროს დიდი სიმდიდრე. მიგვაჩნია, რომ მისი რაიმე ფორმით ხელყოფა ნიშნავს ჩვენი ქვეყნის მომავალის განადგურებას და სამშობლოსადმი ღალატს.

მომხდარი არის ვანდალური ფაქტი და საჭიროებს სასწრაფო რეაგირებას.  ხელისუფლების და შესაბამისი კომპეტენტური ორგანოების დროული მოქმედება და დროული სამართლებრივი შეფასება ერთის მხრივ ხელს შეუწყობს სამართლინობის აღდგენას და მეორეს მხრივ საუკეთესო გამოსავალი იქნება მსგავსი ფაქტების პრევენციისთვის.

ვფიქრობთ სხვადასხვა რელიგიურმა ორგანიზაციებმა ღიად და კრიტიკულად უნდა შევაფასოთ ფაქტი და შესაბამისი მხარდაჭერა გამოვხატოთ საქართველოს კათოლიკე მრევლისადმი“, - ნათქვამია ტარიელ ნაკაიძის განცხადებაში.

ცნობისთვის, ვალეში უცნობმა პირებმა კათოლიკური სიწმინდეები დაწვეს.

ავტორი: ,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”