შერიგებისა და სამოქალაქო თანასწორობის საკითხებში სახელმწიფო მინისტრის, ქეთევან ციხელაშვილის შეფასებით, ჟენევის ფორმატი რუსეთთან კონფლიქტის დარეგულირების ერთადერთი უპირობო ფორმატია.

როგორც ციხელაშვილმა ჟურნალისტებს განუცხადა, ქართული მხარე ოკუპირებული რეგიონების დე-ფაქტო ხელისუფლებებთან პირდაპირ დიალოგზე წასვლას არ აპირებს.

"ვფიქრობ, რომ პრემიერის განცხადებაში ძალიან ცალსახად იყო ხაზგასმული ყველა ის მნიშვნელოვანი ასპექტი, რომელიც მათ შორის გახლავთ რუსულ-ქართული ურთიერთობების მოწესრიგების წინაპირობა. ვგულისხმობ კონფლიქტების მოგვარებას, რომელიც 2008 წლიდან გვაქვს. ამის ნაწილია არჩილ ტატუნაშვილის ტრაგედიაც. ქმედითი პასუხი იქნებოდა ოჯახისთვის ტატუნაშვილის ცხედრის გადმოცემა არა იმის გამო, რომ ვინმეს კეთილი ნების გამოხატულება იქნებოდა, არამედ იმის გამო, რომ ეს უკავშირდება პასუხისმგებლობას ამ რეგიონში მიმდინარე მოვლენებზე. რაც შეეხება პირდაპირ დიალოგს ოკუპირებულ რეგიონებთან, ის არ ყოფილა და ვერც იქნებოდა. იმედი მაქვს, რომ რუსეთის ისთებლიშმენტს ეს კარგად ესმის. საუბარია ოკუპირებული რეგიონის საზოგადოებასთან დიალოგზე. ბუნებრივია იმ ფორმატში, რომელსაც მოითხოვს კონფლიქტების მოგვარების ჩართულობისა და შერიგების ამოცანები", - განაცხადა ქეთევან ციხელაშვილმა.

ავტორი: ,

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა