"ლექსების გამოფენა-ასი სიტყვა“, - ასე ჰქვია ტრადიციულ ლიტერატურულ კონკურსს, რომელსაც ა(ა)იპ "ხელოვნებისა და კულტურის ცენტრი“ ბათუმში, 19-20 მაისს ჩაატარებს. მანამდე კი, ლიტერატურულ კონკურსში (პოეზიაში) მონაწილეობის მსურველმა საკონკურსოდ უნდა წარმოადგინოს ქართულ ენაზე დაწერილი, ბეჭდვით გამოცემებში, ან ინტერნეტსივრცეში გამოუქვეყნებელი ერთი ლექსი. გამარჯვებულთათვის დაწესებულია ფულადი პრიზები: პირველი ადგილი – 1000 ლარი; მეორე ადგილი – 700 ლარი; მესამე ადგილი – 500 ლარი.

ასევე, კიდევ ერთ კატეგორიაში - "მინიატურული პროზა - ასი სიტყვა" მონაწილეობის მსურველმა საკონკურსოდ უნდა წარმოადგინოს ქართულ ენაზე დაწერილი, ბეჭდვით გამოცემებში, ან ინტერნეტსივრცეში გამოუქვეყნებელი ასსიტყვიანი, ერთი პროზაული ნაწარმოები (სათაური არ ითვლება სიტყვათა რაოდენობაში).

გამარჯვებულთათვის დაწესებულია ფულადი პრიზები: პირველი ადგილი – 1000 ლარი; მეორე ადგილი – 700 ლარი; მესამე ადგილი – 500 ლარი. ერთ ავტორს შეუძლია, მონაწილეობა მიიღოს როგორც პროზაში, ასევე, პოეზიაში. ავტორებმა ნამუშევრები 26 მარტამდე უნდა გაგზავნონ შემდეგ მისამართზე: leqsebisgamofena2017@gmail.com, აუცილებელია სახელის, გვარისა და საკონტაქტო ტელეფონის მითითება.

ორგანიზატორების თქმით, დაგეგმილია საუკეთესო ნაწარმოებებისაგან შედგენილი კრებულის დაბეჭდვა. ჟიურის შემადგნლობაში არიან: როსტომ ჩხეიძე, ანი კოპალიანი, ალექსანდრე ელერდაშვილი, როინ აბუსელიძე, ჯემალ ინჯია.

ნაწარმოებების ავტორთა ვინაობა ჟიურისთვის უცნობია გამარჯვებულთა გამოვლენამდე.

ავტორი: ,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”