„ადამიანებს ზეგანაკვეთური მუშაობა არ უნაზღაურდებათ, ისინი კი ხმას ვერ იღებენ, რადგან  სამსახურიდან გაგდების ეშინიათ, ეს იძულებითი შრომაა“,-ამის შესახებ საპარლამენტო უმრავლესობის წევრმა ბექა ნაცვლიშვილმა პარლამენტის პლენარულ სხდომაზე განაცხადა, სადაც შრომის უსაფრთხოების შესახებ კანონპროექტს განიხილავენ.

ნაცვლიშვილი ღირსეული შრომითი პირობების შექმნის აუცილებლობაზე საუბრობს:

„დღემდე არის ყალბი ცნობიერება იმისა, რომ დასაქმებული არის უბრალო ჭანჭიკი, რომელიც როცა გაფუჭდება, ან მოძველდება, შეიძლება გადაადგო, რომ დასაქმებული დოვლათის შექმნის პროცესში საერთოდ არ მონაწილეობს. ამ ლოგიკას ჩვენ სანამ გავაგრძელებთ და გავყვებით, ყოველთვის ასეთი დამოკიდებულება გვექნება ჩვენი თანამოქალაქეების, მშრომელების ღირსეულ შრომის უფლებებზე და პირობებზე.

უფლებებზე რატომ ვამახვილებ ყურადღებას. დღეს არის ტრეფიკინგი, არა იმ თვალსაზრისით, რომ ვიღაცას პასპორტებს პარავენ, სარდაფებში კეტავენ და იქ ამუშავებენ, არამედ ადამიანები ზეგანაკვეთურად მუშაობენ და ეს ზეგანაკვეთური მუშაობა ანაზღაურებული არ არის, რატომ არ არის? იმიტომ, რომ ყველას ეშინია, თუ ის ხმას ამოიღებს ზეგანაკვეთურის მოთხოვნით, მას სამსახურიდან გააგდებენ, ახალს მოიყვანენ, ახალ ჭანჭიკს მოიტანენ და დაამაგრებენ იქ. ეს არ არის იძულებითი შრომა, როდესაც ადამიანი შრომობს და შესაბამისი ანაზღაურება არ აქვს?!“, - განაცხადა ბექა ნაცვლიშვილმა.

ავტორი: ,

სოციალური ქსელები

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან